రెడ్‌మీ నుంచి వరుసగా ఏదో ఒక ఫోన్ లాంచ్ అవుతునే ఉంది. ఈ ఏడాది ప్రారంభంలోనే కే50 సిరీస్‌ను విడుదల చేసిన రెడ్‌మీ..ఇందులో టాప్‌ ఎండ్‌ వేరియంట్‌గా Redmi k50 Ultra స్మార్ట్ ఫోన్ లాంచ్ చేయనుందని సమాచారం. ఇందులో 2కే రిజల్యూషన్ ఉన్న ఓఎల్ఈడీ టచ్‌స్క్రీన్ అందించనున్నట్లు సమాచారం. ఈ సంవత్సరం సెకండాఫ్‌లో రెడ్‌మీ కే50 అల్ట్రా లాంచ్ చేయనుంది. దీని గురించి లీకైన సమాచారం ఎలా ఉందో చూద్దామా..!
వాస్తవానికి.. రెడ్‌మీ ఈ స్మార్ట్ ఫోన్ గురించి ఎక్కడా రివీల్ చేయలేదు. ప్రముఖ టిప్‌స్టర్ డిజిటల్ చాట్ స్టేషన్ (విబో ఐడీ) దీని గురించి వివరాలను ఆన్‌లైన్‌లో లీక్ చేశారు.
ఇందులో క్వాల్‌కాం స్నాప్‌డ్రాగన్ 8 ప్లస్ జెన్ 1 ప్రాసెసర్‌ను అందించే అవకాశం ఉంది.
డాల్బీ విజన్ సపోర్ట్, 100W ఫాస్ట్ చార్జింగ్‌ కూడా ఈ ఫోన్‌లో ఉండనున్నాయి.
రెడ్‌మీ కే50 ప్రోలో 6.67 అంగుళాల 2కే రిజల్యూషన్ డిస్‌ప్లే, 120 హెర్ట్జ్ ఫీచర్లు ఇందులో ఉండనున్నాయి.
ఏకంగా 1200 నిట్స్ మ్యాగ్జిమం బ్రైట్‌నెస్ ఈ ఫోన్‌లో ఉండటం విశేషం.
కార్నింగ్ గొరిల్లా గ్లాస్ విక్టస్ ప్రొటెక్షన్ కూడా ఇందులో ఉండనుంది.
4 నానోమీటర్ మీడియాటెక్ డైమెన్సిటీ 9000 ప్రాసెసర్‌పై ఈ ఫోన్ పనిచేయనుంది.
రెడ్‌మీ కే50 అల్ట్రా ఒకవేళ లాంచ్ అయితే ఇది హైఎండ్ ఫ్లాగ్ షిప్ ఫోన్ కానుంది.
కెమెరా విషయానికి వస్తే..
ఫోన్ వెనకవైపు 100 మెగాపిక్సెల్ కెమెరా, 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో లెన్స్ అందించారు. ఇక సెల్ఫీలు, వీడియో కాల్స్ కోసం ముందువైపు 20 మెగాపిక్సెల్ కెమెరా ఉండనుంది. ఈ ఫోన్ ధర ఎంతుంటుంది అనే విషయం ఇంకా తెలియరాలేదు. గేమింగ్‌ ఫోన్‌తో అదిరిపోయే ఫీచర్స్‌తో రెడ్‌మీ కొత్త ఫోన్‌ను లాంచ్ చేయనుంది.!
