యాదాద్రి : తెలంగాణ బిజెపి రాష్ట్ర అధ్యక్షుడు బండి సంజయ్ కుమార్ పాదయాత్ర చేస్తున్న సంగతి తెలిసిందే. ఇందులో భాగంగానే ఇవాళ..మోత్కూర్ మండలం పొడిచెడు గ్రామంలో బీజేపీ తెలంగాణ చీఫ్‌ బండి సంజయ్ ప్రజా సంగ్రామ యాత్ర నిర్వహించారు. అయితే బండి సంజయ్ ప్రజా సంగ్రామ యాత్రలో టాలీవుడ్ సినీ నటి జీవితా రాజశేఖర్ పాల్గొన్నారు.
జీవితతో పాటు ఆమె భర్త రాజశేఖర్ కూడా ఈ పాదయాత్రలో పాల్గొన్నారు. వీరిద్దరూ ఈమధ్య కాలంలోనే బిజెపి పార్టీలో చేరిన సంగతి తెలిసింది. ఇక ఇది ఇలా ఉండగా…‘‘హర్ ఘర్ తిరంగా జెండా‘‘లో భాగంగా అమ్మనబోలులోని ప్రజా సంగ్రామ యాత్ర శిబిరం వద్ద మువ్వన్నెల జాతీయ పతాకాన్ని ఆవిష్కరించారు బీజేపీ రాష్ట్ర అధ్యక్షులు, ఎంపీ బండి సంజయ్ కుమార్. జాతీయ జెండా ఆవిష్కరణలో పాదయాత్ర ప్రముఖ్ డాక్టర్ జి.మనోహర్ రెడ్డి, యాదాద్రి భువనగిరి జిల్లా అధ్యక్షులు పీవీ శ్యాంసుందర్ తదితరులు పాల్గొన్నారు. దేశ భక్తి పాటలు, స్వాతంత్ర సమరయోధుల వీరోచిత పోరాటాల గీతాల ఆలాపనతో పాదయాత్ర శిబిరం సందడిగా మారింది.
