టాలీవుడ్ రావిషింగ్ బ్యూటీ రాశిఖన్నా సోషల్ మీడియాలో చాలా యాక్టివ్గా ఉంటుంది. ఈ భామ తన పర్సనల్, ప్రొఫెషనల్ విషయాలను సోషల్ మీడియా ద్వారా అభిమానులతో షేర్ చేసుకుంటుంది. ఇక తన ఫొటోషూట్స్తో ఎప్పటికప్పుడు ఫొటోలు పోస్ట్ చేస్తూ యువతను మెస్మరైజ్ చేస్తుంది. మొన్నటిదాకా బోల్డ్ లుక్స్తో అదరగొట్టిన ఈ బ్యూటీ ఈ మధ్య కాస్త ట్రెడిషనల్ లుక్లో కనిపిస్తోంది.
తాజాగా రాశీ ఖన్నా తన సోషల్ మీడియా ఖాతాలో ట్రెడిషనల్ లుక్లో ఉన్న ఫొటోలు పోస్టు చేసింది. ఈ ఫొటోల్లో రాశీ.. పట్టుచీరలో కనిపిస్తోంది. పర్పుల్ కలర్లో ఉన్న పట్టుచీరలో స్లీవ్లెస్ బ్లౌజులో.. జుట్టు విరబోసుకుని.. అందమైన జుమ్కీలు చెవులకు పెట్టుకుని మెడలో బంగారు ఆభరణాలతో లక్ష్మీదేవిలా కళకళలాడిపోతోంది. ఇక ఈ ట్రెడిషనల్ లుక్లో రాశీ మెస్మరైజింగ్ స్మైల్తో యువత గుండె కొల్లగొట్టింది. ప్రస్తుతం ఈ ఫొటోలు నెట్టింట వైరల్ అవుతున్నాయి.
మరోవైపు రాశీ ఖన్నా సినిమాల సంగతికి వస్తే ఈ భామ ప్రస్తుతం బాలీవుడ్లో బిజీగా గడుపుతోంది. అక్కడే సిద్ధార్థ్ మల్హోత్రాతో కలిసి యోధ సినిమాలో నటిస్తోంది. మరోవైపు అజయ్ దేవగణ్తో కలిసి రుద్ర్-2 వెబ్ సిరీస్లోనూ నటిస్తున్నట్లు తెలుస్తోంది. ఇంకోవైపు ఓ తమిళ సినిమాలోనూ నటించే ఛాన్స్ కొట్టేసింది ఈ బ్యూటీ.
