టాలీవుడ్ స్టార్ హీరోయిన్ సమంత ప్రస్తుతం బిజీబిజీగా గడుపుతోంది. ఓవైపు సిటాడెల్ సిరీస్ షూటింగ్.. మరోవైపు శాకుంతలం సినిమా ప్రమోషన్స్తో చాలా బిజీగా ఉంటోంది. అందుకే తరచూ ముంబయి, హైదరాబాద్ మధ్య చక్కర్లు కొడుతోంది.
ఇక ఈ భామ ప్రస్తుతం తన ఫోకస్ అంతా శాకుంతలం సినిమా ప్రమోషన్స్పైనే పెట్టింది. తాజాగా ముంబయిలో ఈ సినిమా హిందీ వెర్షన్కు ప్రమోషన్స్లో పాల్గొంది. ఈ మూవీలో తనకు జంటగా నటించిన దేవ్ మోహన్తో కలిసి సమంత ప్రమోషన్స్కు హాజరైంది.
ఈ ఈవెంట్లో సమంత వైట్ కలర్ సూట్లో కనిపించింది. మెడలో ట్రెండీ జ్యువెల్లరీతో.. హెయిర్ బ్యాంగ్స్లో సమంత న్యూ లుక్ అదిరిపోయింది. ప్రస్తుతం ఈ ఫొటోలు సోషల్ మీడియాలో వైరల్ అవుతున్నాయి. సమంత ముంబయిలో ప్రమోషన్స్ కోసం ఓ లుక్.. హైదరాబాద్లో మరో లుక్లో కనిపిస్తుండటంతో ప్రమోషన్స్లో సామ్ స్టైలే వేరంటూ నెటిజన్లు కామెంట్లు చేస్తున్నారు. గుణశేకర్ దర్శకత్వంలో తెరకెక్కిన శాకుంతలం సినిమా ఏప్రిల్ 14న థియేటర్లలో విడుదల కానుంది.
