అల్లు అర్జున్ హీరోగా తెరకెక్కిన అల వైకుంఠపురములో క్రియేట్ చేసిన రికార్డుల గురించి ఎంత చెప్పుకున్నా తక్కువే. త్రివిక్రమ్ దర్శకత్వం వహించిన ఈ సినిమా నాన్ బాహుబలి రికార్డునిక్రియేట్ చేయడంతో పాటు సంగీత పరంగా సంచలనాలు నమోదు చేసింది. ఇందులోని ప్రతీ పాట ఒకదాన్ని మించి మరొకటి సక్సెస్ సాధించాయి. ఇప్పటికే వన్ బిలియన్ వ్యూస్ దక్కించుకున్న ఈ పాటలు తాజాగా అమెజాన్ ప్రైమ్ మ్యూజిక్ లో ఎక్కువ స్ట్రీమింగ్ వ్యూస్ తెచ్చుకున్న ఆల్బమ్ గా రికార్డుకెక్కాయి.
2020లో అత్యధికంగా స్ట్రీమ్ చేయబడ్డ పాటలుగా అల వైకుంఠపురములో పాటలు రికార్డుని సెట్ చేసాయి. ఈ మేరకు సంగీత దర్శకుడు థమన్ ట్విట్టర్ వేదికగా అందరితో పంచుకున్నాడు. సామజవరగమనా మొదలుకుని రాములో రాములా, బుట్టబొమ్మ మొదలగు పాటలు జనబాహుళ్యంలోకి భాషాభేదం లేకుండా దూసుకెళ్ళాయి. బుట్టబొమ్మ పాటయితే ఖండాలు దాటి మరీ పాపులారిటీ తెచ్చుకుంది.
