Samantha: బిగ్ అప్‌డేట్..సమంత ‘యశోద’ నుంచి గ్లింప్స్ రిలీజ్..ఎప్పుడంటే?

బ్యూటిఫుల్ హీరోయిన్ సమంత..ప్రజెంట్ తన కెరీర్ పైనే ఫుల్ ఫోకస్ పెట్టేసింది. ఆమె లీడ్ రోల్ ప్లే చేసిన ఫిల్మ్ ‘శాకుంతలం’..రిలీజ్ డేట్ పై త్వరలో క్లారిటీ రానుంది. పాన్ ఇండియా వైడ్ గా రిలీజ్ కాబోతున్న ఈ పిక్చర్ లో సమంత..తన అభినయంతో ప్రేక్షకులను అమితంగా అలరిస్తుందని మేకర్స్ ధీమా వ్యక్తం చేస్తున్నారు.

ఈ క్రమంలోనే సమంత లీడ్ రోల్ ప్లే చేస్తున్న మరో పాన్ ఇండియా పిక్చర్ ‘యశోద’ నుంచి..బిగ్ అప్ డేట్ ఇచ్చేశారు మేకర్స్. హ‌రీష్ శంక‌ర్‌, హ‌రీష్ నారాయ‌ణ్ సంయుక్తంగా డైరెక్ట్ చేస్తున్న ఈ పిక్చర్ కు సంబంధించిన గ్లింప్స్‌ను ఈ నెల 5న ఉద‌యం 11.07 గంటలకు విడుద‌ల చేయనున్నట్లు తెలిపారు. ఈ విషయమై ట్విట్టర్ వేదికగా అఫీషియల్ అనౌన్స్ మెంట్ ఇచ్చారు.

ఈ ‘యశోద’ పిక్చర్ లో వ‌ర‌ల‌క్ష్మీ శ‌ర‌త్‌కుమార్, ఉన్నీ ముకుంద‌న్ కీలక పాత్రలు పోషిస్తుండగా, మెలోడీ బ్రహ్మ మ‌ణిశ‌ర్మ సంగీతం అందిస్తున్నారు. శ్రీదేవీ మూవీస్ బ్యానర్ పై శివ‌లెంక కృష్ణ ప్రసాద్ పిక్చర్ ప్రొడ్యూస్ చేస్తున్నారు. సైన్స్ ఫిక్షన్ థ్రిల్లర్ గా వస్తున్న ఈ మూవీ..తెలుగుతో పాటు హిందీ, త‌మిళ్, కన్నడ, మ‌ల‌యాళం భాష‌ల్లో ఈ ఏడాది ఆగ‌స్టు 12న విడుద‌ల చేయాల‌ని మేకర్స్ ప్లాన్ చేస్తున్నారు.

మరో వైపున సమంత నటించిన ‘కాతు వాకుల రెండు కాదల్’ పిక్చర్ విడుదలై చక్కటి టాక్ తో దూసుకుపోతున్నది. విఘ్నేశ్ శివన్ దర్శకత్వంలో తెరకెక్కిన ఈ సినిమాలో కోలీవుడ్ వెర్సటైల్ యాక్టర్ విజయ్ సేతుపతి హీరో కాగా, మరో హీరోయిన్ గా లేడీ సూపర్ స్టార్ నయనతార నటించింది. ట్రయాంగిల్ లవ్ స్టోరిగా వచ్చిన ఈ సినిమాలో హీరోయిన్స్ నయనతార, సమంత, విజయ్ సేతుపతిల నటనపై ప్రముఖులు, సినీ అభిమానులు ప్రశంసల వర్షం కురిపిస్తున్నారు.