కుటుంబ సభ్యులకు మాయమాటలు చెప్పి.. ఓ మహిళపై దొంగ బాబా అత్యాచారానికి పాల్పడిన ఘటన ఒడిశాలో చోటు చేసుకుంది. వివరాల్లోకి వెళితే.. అదనపు కట్నం కోసం భర్తతోపాటు అత్తమామలు కోడలిని వేధించసాగారు. అయితే కాగా, కుటుంబ సమస్యను తొలగిస్తానని ఓ దొంగ బాబా కుటుంబ సభ్యులకు మాయమాటలు చెప్పి, దాని కోసం మీ ఇంటి కోడలును కొన్ని నెలలపాటు తన వద్ద ఉంచాలని భర్త, అత్తమామలను నమ్మించాడు. దీనికి ఆ మహిళ ఒప్పుకోకపోవడంతో.. రెండు నెలల కిందట అత్త మత్తు మందు ఇచ్చి కోడలిని తాంత్రికుడి వద్దకు చేర్చింది. ఆమె స్పృహలోకి వచ్చి చూడగా తాంత్రికుడి గదిలో రెండున్నర ఏళ్ల కుమారుడితో పాటు ఉంది.
ఆ మహిళను ఒక గదిలో బంధించిన దొంగ బాబా.. పసి బాలుడి ఎదుటే 79 రోజులు ఆమెపై వరుసగా అత్యాచారానికి ఒడిగట్టాడు. ఏప్రిల్‌ 28న ఆమెను బంధించిన గదిలో తన మొబైల్‌ ఫోన్‌ను తాంత్రికుడు మరిచిపోయాడు. దీంతో ఆ మహిళ తన తల్లిదండ్రులకు ఫోన్‌ చేసి జరిగిన విషయాన్ని చెప్పడంతో. వారు పోలీసులకు ఫిర్యాదు చేశారు. స్పందించిన పోలీసులు తాంత్రికుడు మహిళను బంధించిన ప్రాంతానికి శుక్రవారం చేరుకున్నారు. ఆమెతో పాటు కుమారుడిని అక్కడి నుంచి రక్షించారు. అయితే అప్పటికే ఆ తాంత్రికుడు అక్కడి నుంచి పారిపోయాడు. దీంతో అతడి కోసం పోలీసులు గాలిస్తున్నారు. మహిళపై రెండు నెలలకుపైగా లైంగిక దాడికి పాల్పడిన తాంత్రికుడితోపాటు ఆమె భర్త, అతడి సోదరుడు, అత్తమామలపై పలు సెక్షన్ల కింద కేసు నమోదు చేశారు పోలీసులు.