హీరో సుశాంత్ కోసం అమెరికాలో ఉంటున్న రక్ష అనే అభిమాని ఓ నక్షత్రం కొనుగోలు చేశాడు. అందుకు సంబంధించిన రిజిస్ట్రేషన్ పత్రాన్ని ట్విట్టర్‌‌లో పోస్ట్ చేసి తన అభిమానాన్ని చాటుకున్నారు. ‘సుశాంత్ అద్భుతమైన వ్యక్తి. అతనికి నివాళులు అర్పించడంలో కొంత ఆలస్యం చేశాను. ఈ చీకటి ప్రపంచంలో ఆయన ఒక స్వచ్ఛమైన రత్నం లాంటివాడు. ఆయన మరింతగా మెరవాలి. ఇక నుంచి ఆ తార మరింత ప్రకాశవంతంగా మెరువాలి’ అని రక్ష అనే అభిమాని ట్వీట్ చేశారు.
విశ్వంలో ఉండే తారల్లో ఒకటైన RA 22.121 కు జూన్ 25,2020 నుంచి సుశాంత్ సింగ్ రాజ్‌పుత్‌గా నామకరణం చేశారు. ఆ మేరకు ఖగోళ శాస్త్ర సంస్థ మాకు హక్కులు కల్పించింది అని రక్ష పేర్కొన్నారు. అయితే ఖగోళ శాస్త్రంపై ఆసక్తి ఉన్న సుశాంత్ ఇప్పటికే చంద్రమండలంపై భూమిని కొనుగోలు చేసిన సంగతి తెలిసిందే.
