కేసీఆర్, కేటీఆర్, కవితలను తిడితే నీ సంసారం బయటపెడుతాం: ఎంపీ అరవింద్ కు జీవన్ రెడ్డి వార్నింగ్

ఎంపీ అరవింద్ చాలా ఎక్కువగా మాట్లాడుతున్నారని… మా గాడ్ ఫాదర్ కేసీఆర్, మా అన్న కేటీఆర్, అక్క కవితను తిడితే నీ సంసారం బయటపెడతాం అంటూ హెచ్చరించాడు ఎమ్మెల్యే జీవన్ రెడ్డి. మీ ఇంట్లో గెలువు ముందు… మీ ఇంట్లోనే మూడు పార్టీలున్నాయని ఎద్దేవా చేశారు. ఇంకోసారి ఇలాగే నీ చెల్లి, నీ తల్లి అంటూ మాట్లాడితే నీబాగోతం, బండారం బయటపెడతా అని ఆగ్రహం వ్యక్తం చేశారు. పది సంవత్సరాలు మీ నాన్న పీసీసీ ప్రెసిడెంట్ ఉన్నప్పుడు ఎంత మందికి డబ్బులు తీసుకుని టికెట్లు ఇచ్చాడో గాంధీ భవన్ లో కూర్చుకుని మాట్లాడుకుందాం అని సవాల్ చేశాడు. మీ బీజేపీ పార్టీ పంచభూతాలను దోచుకున్న పార్టీ అని విమర్శించారు. రఫేల్ కుంభకోణం, అదానీ బొగ్గు కుంభకోణం, గంగా నది కుంభకోణం చేశారని ఆరోపించారు. ఎల్ఐసీని అడ్డగోలుగా అమ్ముతున్నారని… బీజేపీ ఒక సేల్ పార్టీ అని విమర్శించారు. నడ్డా ఈరోజు తెలంగాణకు వస్తున్నాడ… బిడ్డా ఇది తెలంగాణ అడ్డ, కేసీఆర్ గడ్డా అంటూ వ్యాఖ్యానించాడు. ఎనిమిదేళ్లుగా మోదీ ప్రభుత్వం దేశానికి చేసిందేం లేదని జీవన్ రెడ్డి విమర్శించారు. రానున్న 30 ఏళ్లు కూడా టీఆర్ఎస్ పార్టీ అధికారంలో ఉంటుందని స్పష్టం చేశారు.