పాన్ ఇండియా స్టార్ ప్రభాస్ హీరోగా నటిస్తున్న పాన్ ఇండియా మూవీ ‘ప్రాజెక్ట్ కె’. మహానటి ఫేమ్ నాగ అశ్విన్ దర్శకత్వం వహిస్తున్నారు. ఈ సినిమా షూటింగ్ శరవేగంగా సాగుతుంది. థర్డ్ వరల్డ్ వార్(మూడో ప్రపంచ యుద్ధం) నేపథ్యంలో సైన్స్‌ ఫిక్షన్‌ కథాంశంతో సూపర్‌ హీరో మూవీగా ఈ సినిమా తెరకెక్కుతున్నట్లు సమాచారం.
ఇప్పటికే ఈ చిత్రంలో ప్రభాస్తో పాటు బాలీవుడ్ స్టార్స్ అమితాబ్‌ బచ్చన్‌, దీపికా పదుకొణె, దిశా పటానీ వంటి వారు కీలక పాత్రలు పోషిస్తున్నారు. అయితే ఇప్పుడీ చిత్రంలో మరో బడా స్టార్ నటించనున్నట్లు తెలిసింది. ఆయన ఎవరంటే.. యూనివర్సల్ స్టార్ కమల్ హాసన్. కమల్ ఈ చిత్రంలో విలన్గా నటించబోతున్నారట. దీనికోసం ఆయన రూ.150 కోట్ల భారీ పారితోషికాన్ని తీసుకోబోతున్నట్లు కథనాలు వస్తున్నాయి. ప్రస్తుతం ఈ విషయం సోషల్మీడియాలో చక్కర్లు కొడుతోంది. మరి ఇందులో నిజమెంతో తెలియదు గానీ సినీ ప్రియులు మాత్రం సర్ప్రైజ్ అవుతున్నారు.
