కోటక్ మహీంద్రా బ్యాంక్ గృహ రుణ గ్రహీతలకు బ్యాడ్ న్యూస్ చెప్పింది. దసరా, దీపావళి పండుగ సమయంలో ప్రైవేట్రంగ బ్యాంకింగ్ దిగ్గజం కోటక్ మహీంద్రా బ్యాంక్ మార్కెట్లోనే అతి తక్కువ వడ్డీకే గృహరుణాలు ఆఫర్ చేసింది. అయితే పండుగ సీజన్ అయ్యాక వడ్డీ రేట్లు పెంచింది.
బ్యాంకు గృహ రుణ వడ్డీ రేట్లు 5 బేసిస్ పాయింట్లు అంటే 0.05 శాతం మేర పెంచింది. దీనితో గృహ రుణ వడ్డీ రేట్లు 6.55 శాతం నుంచి స్టార్ట్ అవ్వనున్నాయి. నవంబర్ 9 నుంచి డిసెంబర్ 10 వరకు ఈ కొత్త వడ్డీరేట్లు వుంటాయని కోటక్ మహీంద్రా బ్యాంక్ అంది. పండుగ సందర్భంగా 6.5 శాతం వడ్డీకే కోటక్ మహీంద్రా గృహరుణాలను దాదాపు 60 రోజుల పాటు ఇచ్చింది.
అయితే నవంబర్ 8తో ఈ ఆఫర్ ముగిసింది. నవంబర్ 9 నుంచి డిసెంబర్ 10 వరకు కొత్త వడ్డీ రేట్లు వచ్చాయి. నవంబర్ 15లోపు లోన్ అమౌంట్ ట్రాన్స్ఫర్ అయితే పాత వడ్డీ రేటు 6.5 శాతం అమల్లో ఉంటుంది. ఇది ఇలా ఉంటే కోటక్ మహీంద్రా బ్యాంక్ కొత్త వడ్డీ రేటు బ్యాలెన్స్ ట్రాన్స్ఫర్ రుణాల పై ఇది వర్తిస్తుంది. అలానే ఈ వడ్డీరేటు కింద ప్రిన్సిపల్ అమౌంట్పై ఎటువంటి లిమిట్ లేదు. గృహరుణాలు నెలవారీ జీతం పొందే ఉద్యోగులు మరియు స్వయం ఉపాధి పొందే నిపుణులకు ఈ లోన్ అందుబాటులో ఉంటుంది. 6.5 శాతం వడ్డీ అనేది కనీస వడ్డీ రేటు. సిబిల్ స్కోర్ ఆధారంగా గరిష్ట వడ్డీ రేటు ఆధారపడి ఉంటుంది.
