మాస్ మహరాజా రవితేజ హీరోగా నటిస్తున్న సినిమా ‘రావణాసుర’. వరుస విజయాలతో జోరుమీదున్న రవితేజ తన నెక్ట్స్‌ సినిమాను కూడా త్వరలోనే ప్రేక్షకుల ముందుకు తీసుకురానున్నారు. అభిషేక్ నామా నిర్మించిన ఈ సినిమాకి రవితేజ నిర్మాణ భాగస్వామిగా ఉన్నాడు. ఈ సినిమాకి హర్షవర్ధన్ రామేశ్వర్ – భీమ్స్ సంగీత దర్శకులుగా వ్యవహరించారు. మరింత మాస్ యాక్షన్ తో ఎనర్జిటిక్ గా కనిపించడానికి రవితేజ రెడీ అవుతున్నాడు.
సుధీర్ వర్మ దర్శకత్వం వహించిన ఈ సినిమాను వచ్చేనెల 7వ తేదీన విడుదల చేయనున్నారు. ఈ నేపథ్యంలో ఈ సినిమా నుంచి ఒక లిరికల్ సాంగును రిలీజ్ చేశారు. రవితేజ – మేఘ ఆకాశ్ పై చిత్రీకరించిన ఈ పాట, ‘వెయ్యినొక్క జిల్లాల వరకూ వింటున్నాము నీ కీర్తినే .. ‘ అంటూ ఈ పాట కొనసాగుతోంది.
1991లో వెంకటేశ్ హీరోగా వచ్చిన ‘సూర్య ఐపీఎస్’ సినిమాలోని పాటకు ఇది రీమిక్స్. సిరివెన్నెల రాసిన ఆ పాటకు అప్పట్లో ఇళయరాజా సంగీతాన్ని అందించారు. ఇప్పుడు ఆ పాటను అనురాగ్ కులకర్ణి ఆలపించాడు. ఈ సినిమాలోని ఇతర ముఖ్య పాత్రలలో అనూ ఇమ్మాన్యుయేల్ .. ఫరియా అబ్దుల్లా .. దక్ష నగార్కర్ … రావు రమేశ్ .. మురళీ శర్మ .. సంపత్ రాజ్ కనిపించనున్నారు.
