నమ్రతా శిరోద్కర్.. అదేనండి మన టాలీవుడ్ హ్యాండ్స్ హంక్, సూపర్ స్టార్ మహేశ్ బాబు సతీమణి. వంశీ సినిమాతో టాలీవుడ్లో అరంగేట్రం చేసిన నమ్రత.. ఆ తర్వాత అడపాదడపా సినిమాల్లో నటించింది. ఆ చిత్రం షూటింగ్ సమయంలోనే మహేశ్ బాబుతో ప్రేమలో పడింది. ఇక అంతే ఆ రాజకుమారుడిని పెళ్లి చేసుకుని సినిమాలకు దూరమైంది.
ఇక అప్పటి నుంచి నమ్రత తన సమయమంతా మహేశ్కు, పిల్లలు గౌతమ్, సితారలకే కేటాయిస్తోంది. మరోవైపు ఎన్జీవో పనుల్లోనూ బిజీగా గడుపుతోంది. ఇక సినిమా షూటింగులతో ఎప్పుడు బిజీగా ఉండే మహేశ్ తరచూ కుటుంబంతో విదేశాలకు విహారయాత్రలకు వెళ్తుంటారు. తాజాగా నమ్రత, మహేశ్లు పారిస్ వెకేషన్లో ఉన్నారు.
పారిస్ వెకేషన్లో ఉన్న నమ్రత తాజాగా అక్కడి ఫొటోలు షేర్ చేసింది. పింక్ కలర్ క్యాజువల్ సూట్లో నమ్రత క్లాసీగా కనిపిస్తోంది. ప్రస్తుతం ఈ ఫొటోలు నెట్టింట వైరల్ అవుతున్నాయి. నమ్రత లుక్ చూసి అభిమానులు ఫిదా అవుతున్నారు. ఓ వైపు ట్రెండీగా ఉంటూనే మరోవైపు సూపర్ కూల్గా కనిపిస్తోందని కామెంట్ చేస్తున్నారు.
