స్టోక్స్ సెంచరీ వృధా అయింది. దీంతో యాషెస్ సిరీస్ లో ఆసీస్‌ మరో విజయం సాధించింది. ఉత్కంఠ భరితంగా సాగిన రెండో టెస్టులో 43 పరుగుల తేడాతో ఆస్ట్రేలియా విజయం సాధించింది. మొత్తం ఐదు టెస్ట్ మ్యాచుల యాషెస్ సిరీస్ లో వరుసగా రెండు మ్యాచ్ లలో ఇంగ్లాండ్ ఓడిపోవడంతో ఆస్ట్రేలియా 2-0 ఆదిక్యంలోకి దూసుకెళ్లింది.
అయితే, యాషెస్ రెండో టెస్టులో ఇంగ్లాండ్ ఓడినప్పటికీ కెప్టెన్ బెన్ స్టాక్స్ అద్భుతమైన ఇన్నింగ్స్ తో ఆకట్టుకున్నారు. ఈ నేపథ్యంలో అతనిపై విరాట్ కోహ్లీ ప్రశంసలు కురిపించారు. ‘తన ప్రత్యర్థిగా ఆడిన వారిలో బెన్ స్టోక్స్ అత్యంత పోటీతత్వం గల ఆటగాడు. ఈ విషయంలో నేను జోక్ చేయలేదు. అతను క్వాలిటీ ఇన్నింగ్స్ ఆడారు. అదే సమయంలో ఆస్ట్రేలియా కూడా చాలా బాగా ఆడింది’ అని ట్వీట్ చేశారు.
I wasn’t joking about calling Ben Stokes the most competitive bloke I’ve played against. Innings of the highest quality but Australia is too good at the moment 👍
— Virat Kohli (@imVkohli) July 2, 2023
