వరల్డ్ కప్ 2023 షెడ్యూల్ విడుదలైంది. తాజాగా ఐసిసి దీనికి సంబంధించిన షెడ్యూల్ ను విడుదల చేసింది. పదేళ్ల తర్వాత జరిగే ఈ ప్రపంచకప్ వన్డే టోర్నీకి భారత్ వేదిక కానుంది. టోర్నీ 2023 అక్టోబర్ 5 నుంచి నవంబర్ 19 వరకు నిర్వహించనున్నారు. ఈ టోర్నీలో మొత్తం 10 టీమ్ లు పాల్గొంటున్నాయి. ఇక ఫైనల్ మ్యాచ్ అహ్మదాబాద్ వేదికగా జరుగుతుందని తెలుస్తోంది.
అయితే, ICC వన్డే వరల్డ్ కప్ మ్యాచుల్లో 3 మ్యాచ్లు హైదరాబాద్ లోని ఉప్పల్ స్టేడియంలో జరగనున్నాయి. అక్టోబర్ 6న పాకిస్తాన్, క్వాలిఫైయర్-1 జట్ల మధ్య, అక్టోబర్ 9న న్యూజిలాండ్, క్వాలిఫైయర్-1 జట్ల మధ్య అక్టోబర్ 12న పాకిస్తాన్, క్వాలిఫైయర్-2 జట్ల మధ్య మ్యాచులు జరగనున్నాయి. అయితే టీం ఇండియా ఆడనున్న ఒక్క మ్యాచ్ కూడా హైదరాబాదులో జరగడం లేదు. దీంతో ఇది తెలుగు క్రికెట్ ఫ్యాన్స్ కు నిరాశే అని చెప్పొచ్చు.
