గత సీజన్ లో కనీసం ప్లే ఆఫ్ చేరిన సంతృప్తి అయినా ఢిల్లీ క్యాపిటల్స్ కు మిగిలింది. కానీ తాజాగా జరుగుతున్న సీజన్ లో ఢిల్లీ క్యాపిటల్స్ ఆట మరీ తీసికట్టుగా తయారైంది. ఈ సీజన్ కు పంత్ దూరం కావడంతో ఆస్ట్రేలియా సీనియర్ ఆటగాడు వార్నర్ పైనే ఢిల్లీ యాజమాన్యం ఆశలన్నీ పెట్టుకుంది. కానీ వార్నర్ బ్యాటింగ్ లో పర్వాలేదు అనిపిస్తున్నా , ఒక కెప్టెన్ గా మాత్రం జట్టును విజయపదంలో నడిపించడంలో దారుణంగా ఫెయిల్ అవుతున్నాడు. ఈ సీజన్ లో ఇప్పటి వరకు ఢిల్లీ ఆడిన 8 మ్యాచ్ లలో కేవలం రెండు మ్యాచ్ లు మాత్రమే గెలిచి పాయింట్ల పట్టికలో ఆఖరి స్థానంలో ఉంది.
