టీమిండియా కెప్టెన్ రోహిత్ శర్మ సిక్సర్ల విషయంలో సరికొత్త రికార్డు నమోదు చేశాడు. టి20 క్రికెట్ లో అత్యధిక సిక్సర్లు బాదిన తొలి క్రికెటర్ గా హిట్ మ్యాన్ నిలిచాడు. శుక్రవారం నాగ్ పూర్ వేదికగా ఆస్ట్రేలియాతో జరిగిన రెండో టీ20 లో రోహిత్ శర్మ కెప్టెన్ ఇన్నింగ్స్ ఆడాడు. 20 బంతుల్లో 4 ఫోర్లు, 4 సిక్సర్లతో 46 పరుగులతో అజయంగా నిలిచి జట్టు విజయంలో కీలక పాత్ర పోషించాడు.
ఈ క్రమంలోనే టీ20లో అత్యధిక సిక్సర్ల రికార్డును రోహిత్ తన పేరిట లికించుకున్నాడు. మ్యాచ్ లో నాలుగు సిక్సర్లు బాదిన రోహిత్, ఓవరాల్ గా 176 సిక్సర్లతో తొలి స్థానంలో ఉన్నాడు. ఇక న్యూజిలాండ్ ఓపెనర్ మార్టిల్ గుఫ్టీల్ 172 సిక్సర్లతో రెండో స్థానంలో ఉండగా, క్రిస్ గేల్ 124 సిక్సర్లతో మూడో స్థానంలో ఉన్నాడు. ఇక విరాట్ కోహ్లీ 104 సిక్సర్లతో టీమిండియా తరపున టీ20లో 100 సిక్సర్లు కొట్టిన రెండో బ్యాటర్ గా ఉన్నాడు.
