గులాబీ బాస్ కల్వకుంట్ల చంద్రశేఖర రావు… మరో రసవత్తర పోరుకు సిద్ధమయ్యారు. తెలంగాణ అసెంబ్లీ ఎన్నికలలో ఓటమి తర్వాత… భారత రాష్ట్ర సమితి పార్టీ అధినేత కేసిఆర్ ప్రజల్లోకి వస్తున్నారు. నల్గొండ జిల్లాలో జరిగే భారీ బహిరంగ సభలో ఆయన పాల్గొంటారు. సభకు హెలికాప్టర్లో రానుండటం గమనార్హం. దీంతో ఇవాళ నల్గొండ లో జరిగే కేసీఆర్ బహిరంగ సభ దద్దరిల్లేలా ఉంది.
కృష్ణానది పై ప్రాజెక్టుల విషయంలో కాంగ్రెస్ వైఖరిని ఈ సభలో ప్రధానంగా ప్రస్తావిస్తారని భారత రాష్ట్ర సమితి పార్టీ వర్గాలు అంటున్నాయి. ఈ సభకు పార్టీ అగ్ర నేతలు మాజీ మంత్రి కేటీఆర్ అలాగే హరీష్ రావుతో సహా కీలక నేతలందరూ రానున్నారు. ఇక ఈ సభ ఏర్పాట్లను మాజీ మంత్రి జగదీశ్వర్ రెడ్డి దగ్గరుండి చూసుకున్నారు. సభ గ్రాండ్ సక్సెస్ అయ్యేలా పకడ్బందీ ఏర్పాటు ఏర్పాట్లు చేశారు జగదీశ్వర్ రెడ్డి.
