తెలంగాణ రాష్ట్రంలో మరికొన్ని రోజుల్లోనే పార్లమెంట్ ఎన్నికలు జరగనున్నాయి. దేశవ్యాప్తంగా జరగనున్న ఈ పార్లమెంట్ ఎన్నికల కోసం అన్ని పార్టీలు సన్నద్ధమవుతున్నాయి. ఇలాంటి నేపథ్యంలో మల్కాజ్ గిరి టికెట్ ఎవరికి వస్తుందో అనే దానిపై కాంగ్రెస్ నేతల్లో ఉత్కంఠత నెలకొంది. ఈ నేపథ్యంలో మల్కాజ్ గిరి కాంగ్రెస్ ఎంపీ అభ్యర్థిగా సీఎం రేవంత్ రెడ్డి సోదరుడు కొండల్ రెడ్డి అంటూ కొంతమంది ఫ్లెక్సీలు తయారు చేశారు. వాటిని సోషల్ మీడియాలో పోస్ట్ పెడుతున్నారు.
దీంతో మైనంపల్లి హనుమంతరావుకు ఈసారి టికెట్ రాదనే సంకేతం జనాల్లోకి వెళ్ళింది. వాస్తవానికి మొదటి నుంచి మల్కాజ్ గిరి నుంచి పోటీ చేయాలని మైనంపల్లి హనుమంతరావు అనుకుంటున్నారు. కానీ ఇప్పుడు కొండల్ రెడ్డి రూపంలో… మైనంపల్లి హనుమంతరావు కు ఎదురుదాడి తప్పదని తెలుస్తోంది. ఇక అటు గులాబీ పార్టీ నుంచి మల్లారెడ్డి కొడుకు భద్రారెడ్డి పోటీ చేయనున్నారట. దీనిపై త్వరలోనే అధికారిక ప్రకటన కూడా రానుంది. ఇక ఇప్పటికే బీజేపీ మల్కాజ్గిరి అభ్యర్థిగా ఈటల రాజేందర్ ను అధిష్టానం ఫైనల్ చేసింది. ఓవరాల్ గా చూస్తే మల్కాజ్గిరిలో త్రి ముఖపోటీ ఉండే ఛాన్స్ ఉన్నట్లు తెలుస్తోంది.
