జనసేన అధినేత పవన్ కల్యాణ్‌ ఏపీ ఎన్నికల్లో ఘన విజయం సాధించిన విషయం తెలిసిందే. ఈ నేపథ్యంలో ఆయనకు మెగా ఫ్యామిలీ గ్రాండ్ వెల్కమ్ ఇచ్చింది. పవర్ స్టార్ తన సోదరుడు, మెగాస్టార్ చిరంజీవిని కలిసేందుకు హైదరాబాద్లోని ఆయన నివాసానికి వెళ్లారు. దిల్లీలో ఎన్డీయే కూటమి సమావేశాన్ని ముగించుకుని హైదరాబాద్ వచ్చిన పవన్, భార్య అన్నాలెజినోవా, కుమారుడు అకీరాలతో కలిసి నేరుగా చిరు నివాసానికి వెళ్లగా ఆయనకు ఘనస్వాగతం లభించింది.
తల్లి అంజనా దేవి వారికి గుమ్మడి కాయతో దిష్టి తీయగా, పవన్ అక్కాచెల్లెల్లు, వదినలు నీరాజనాలు ఇస్తూ లోపలికి ఆహ్వానించారు. ఈ విజయోత్సవంలో భాగం అయ్యేందుకు మెగా కుటుంబ సభ్యులందరూ చిరు ఇంటికి చేరుకున్నారు. అన్నయ్య చిరంజీవి రాగానే నేరుగా ఆయన కాళ్లకు నమస్కారం చేయగా, పవన్ను పైకి లేపి ఆప్యాయంగా ఆలింగనం చేసుకున్నారు చిరు. ఆ తర్వాత తన తల్లి అంజనాదేవి, వదిన సురేఖల ఆశీర్వాదం తీసుకున్నారు. అనంతరం ‘కల్యాణ్‌ బాబు హ్యాట్సాఫ్‌’ అని రాసి ఉన్న కేక్‌ను కట్‌ చేసి పవన్ తన కుటుంబసభ్యులకు తినిపించారు. ఈ వీడియో ఇప్పుడు నెట్టింట వైరల్ అవుతోంది. వీడియోలో దృశ్యాలు, బ్యాక్ గ్రౌండ్ మ్యూజిక్ చూస్తుంటే గూస్బంప్స్ గ్యారెంటీ. మీరూ ఓ సారి ఈ వీడియో చూసేయండి.
An emotionally charged welcome to my dear brother A Real life ‘Power Star’!!
A Hero’s Homecoming ! 💐
God bless!! 🙏 @PawanKalyan pic.twitter.com/B9zgQPQyP5
— Chiranjeevi Konidela (@KChiruTweets) June 6, 2024
