ముగ్గురు జైష్-ఎ-మొహమ్మద్ (జెఎమ్) ఉగ్రవాదులను హతమార్చిన నాగ్రోటా ఎన్‌కౌంటర్ జరిగిన నాలుగు రోజుల తరువాత, జమ్మూ కాశ్మీర్ పోలీసులు (జెకెపి) జనవరి 31 న ఎన్‌కౌంటర్ ప్రాంతంలో సజీవంగా పట్టుబడిన సమీర్ అహ్మద్ దార్‌ను విచారిస్తున్నారు. సమీర్ అహ్మద్ దార్ ఫిబ్రవరి 2019 పుల్వామా ఆత్మాహుతి దాడి ఆదిల్ దార్ బంధువు. భద్రతా దళాలపై జైష్ ఉగ్రవాదులు కాల్పులు జరిపిన తరువాత నమీరోటా నుంచి తప్పించుకోవడానికి ప్రయత్నిస్తున్నప్పుడు సమీర్‌ను పోలీసులు అదుపులోకి తీసుకున్నారు
వర్చువల్ ప్రైవేట్ నెట్‌వర్క్ (వీపీఎన్) ను ఉపయోగించి సమీర్ అహ్మద్ దార్ “వాట్సాప్” ద్వారా పాక్ ఉగ్రవాద సూత్రధారుల తో సంబంధాలు ఎర్పరుచుకున్నాడని అధికారులు పేర్కొన్నారు. ఒక వ్యక్తి యాక్సెస్ చేయాలనుకునే సైట్‌లకు కనెక్షన్‌లను సురక్షితంగా ఉంచడానికి ఇంటర్నెట్ సెన్సార్‌షిప్‌ నుంచి తప్పించుకోవడానికి గాను VPN వినియోగదారులను అనుమతిస్తుంది.
వాట్సాప్ ద్వారానే సమీర్ అహ్మద్ దార్ ని పాకిస్తాన్ నుంచి డైరెక్ట్ చేసాడు. ఐదు నెలల ఇంటర్నెట్ సేవలను ఆపేసిన తర్వాత జనవరి 25 న జమ్మూ & కాశ్మీర్ లోని 20 జిల్లాలలో 2 జి మొబైల్ ఇంటర్నెట్ డేటాను పునరుద్దరించినా సోషల్ మీడియా సేవలను మాత్రం అనుమతించలేదు. వైట్‌లిస్ట్ చేసిన 301 వెబ్‌సైట్‌లకు మాత్రమే ఇంటర్నెట్ వాడకాన్ని పరిమితం చేస్తూ అధికారులు ఉత్తర్వులు జారి చేసారు.
అయితే డార్క్ వెబ్ ని వినియోగించి ఉగ్రవాదులు కార్యాకలాపాలు కొనసాగిస్తున్నారు. పాకిస్తాన్లోని ఉన్నత జైష్ కమాండర్లతో కమ్యూనికేట్ చేయడానికి తాను వాట్సాప్ ఉపయోగించానని సమీర్ అహ్మద్ దార్ అంగీకరించాడు. పాకిస్థాన్‌కు చెందిన టెర్రర్ గ్రూప్ నుంచి వచ్చిన సందేశం అందుకున్న సమీర్ అహ్మద్ దార్ తన ఇద్దరు సహాయకులను ట్రక్కులో జనవరి 30-31 మధ్య రాత్రి సాంబా సెక్టార్‌లోని బసంతర్ నల్లాకు తీసుకెళ్లారు.
అతను ముందే నిర్ణయించిన పిక్-అప్ పాయింట్ వద్ద వేచి ఉండి, ముగ్గురు జైష్ ఉగ్రవాదులను ఎక్కించుకున్న తరువాత లోయ వైపు వెళ్ళాడు. సమీర్ అహ్మద్ దార్ ముగ్గురు జైష్ ఉగ్రవాదులను మరియు ఇద్దరు ఓవర్ గ్రౌండ్ వర్కర్స్ (ఓజిడబ్ల్యు) ను నడుపుతున్న ట్రక్కును నడిపాడు. సమీర్ కాశ్మీర్ విశ్వవిద్యాలయం నుండి జియాలజీలో అధ్యాపకుడిగా పని చేస్తున్నాడు.
