అమ్మాయిల ప్రేమ పొందాలంటే అబ్బాయిలు కష్టపడాల్సిందే.. అమ్మాయిలు ఈజీగా ప్రేమలో పడతారని అబ్బాయిలు అనుకోవడం చాలా పొరపాటు. ముఖ్యంగా స్ట్రాంగ్ ఉమెన్ ను లవ్ లో పడేయాలంటే తీవ్రంగా శ్రమించాల్సిందే. అలా అయితే స్ట్రాంగ్ ఉమెన్ ను ప్రేమలో పడేయాలంటే అబ్బాయిలు ఏంచేయాలి..? వారు ఎలాంటి వారి ప్రేమను అంగీకరిస్తారో ఇప్పుడు తెలుసుకుందాం..
అమ్మాయిలను ఊరికే ప్రేమలో పడేయడం అంత ఈజీ కాదని తెలుసుకోవాలి అబ్బాయిలు. అమ్మాయిలు అబ్బాయిల్లో నిజాయితీని ఇష్టపడుతారు. తమ ఫీలింగ్స్ ను సూటిగా వ్యక్త పరిచేవారంటే అమ్మాయిలకు ఓ రకమైన గౌరవం ఉంటుంది. ప్రతీ విషయాన్ని సూటిగా సుత్తి లేకుండా కమ్యూనికేట్ చేయాలి. అలాంటప్పడే అమ్మాయిల ఇష్టాన్ని పొందగలుగుతారు అబ్బాయిలు.
అబ్బాయిలు.. అమ్మాయిలను తమతో సమానంగా భావించాలి. అలా తమకు సమాన గౌరవం, హక్కులు ఇచ్చే అబ్బాయిలను స్ట్రాంగ్ ఉమెన్ ఇష్టపడుతారు.
ప్రేమను పొందాలంటే మందుగా నమ్మకాన్ని పొందాలి. ప్రేమ బంధం ఉంటే ఏం దాపరికాలు లేకుండా ఇద్దరు తమ అభిప్రాయాలను వ్యక్త పరుచుకోవాలి. రిలేషన్ పట్ల నిజాయితీ చూపించేవారిని అమ్మాయిలు కోరుకుంటారు.
ఇక తమ ముందు ఒకలా ఉంటూ.. వెనక మరోలా నటించే వారంటే ఇలాంటి అమ్మాయిలకు నచ్చదట. తమ ముందు.. ఎలాంటి ఎమోషన్ అయినా వ్యక్తపరిచడానికి ఎలాంటి సంకోచం చూపించని అబ్బాయిలను వీరు ఇష్టపడతారట. ఎలాంటి పరిస్థితుల్లో అయినా.. తమకు అండగా.. మద్దతుగా ఉండే అబ్బాయిలను అమ్మాయిలు ఇష్టపడతారట. తాము తీసుకునే నిర్ణయాలకు మద్దతు ఇచ్చేవారిని కోరుకుంటారట.
ఇక హంబుల్ గా ఉంటూ.. ఎప్పుడూ తమను తాము నిజాయితీ.. నిజమైన మనిషిని చూపించే అబ్బాయిలకు కూడా ఈ అమ్మాయిలు ఇంప్రెస్ అయిపోతారట. ఇక తమతో పాటు.. ఇతర మహిళలతో సైతం మర్యాద, గౌరవం ఇచ్చేవారిని కూడా నచ్చుతారట.
