నందమూరి బాలకృష్ణలో ఎంత కోపం ఉంటుందో అంతకు డబుల్ ప్రేమ ఉంటుంది ఆయనలో. అప్పుడప్పుడు మీడియా, తనపైకి దూసుకొస్తున్న ఫ్యాన్స్పట్ల కోపంగా ప్రవర్తించినా.. అభిమానులంటే ఆయనకు ప్రాణం. ఈ విషయాన్ని ఆయన ఎన్నోసార్లు నిరూపించారు కూడా.
తాజాగా బాలయ్య బాబు తనకు అభిమానులంటే ఎంత ప్రేమో మరోసారి నిరూపించారు. ప్రస్తుతం బాలయ్య హీరోగా నటిస్తున్న NBK 107 సినిమా షూటింగ్ కర్నూలులో జరుగుతోంది. షూటింగ్ కోసం కొద్దిరోజులుగా అక్కడే ఉంటున్న బాలకృష్ణ ఓ ఫ్యాన్ పట్ల తన ప్రేమను చాటుకున్నారు. అసలేం జరిగిందంటే..?
ఆదోని బాలకృష్ణ అభిమాన సంఘం అధ్యక్షుడు సజ్జాద్ హుస్సేన్‌కు బాలయ్య స్వయంగా ఫోన్ చేశారు. తాను కర్నూలులో ఉన్న హోటల్కు కుటుంబంతో సహా రమ్మని ఆహ్వానించారు. ఫ్యామిలీతో సహా వెళ్లిన హుస్సేన్ను బాలయ్య ఆత్మీయంగా ఆహ్వానించారు. వారితో కలిసి భోజనం చేశారు. హుస్సేన్ కొడుకుతో బాలయ్య ఆడుకుని కాలక్షేపం చేశారు. ప్రస్తుతం ఈ వీడియో నెట్టింట వైరల్ అవుతోంది.
‘అందుకే బాలయ్య మిమ్మల్ని దేవుడు అనేది..’ అంటూ కామెంట్స్ చేస్తున్నారు. జై బాలయ్య.. జైజై బాలయ్య అంటూ సోషల్ మీడియాలో నినాదాలతో హోరెత్తిస్తున్నారు. గతంలో ఆ అభిమానిని కలుస్తా అని మాటిచ్చిన బాలయ్య.. ఆ మాటను గుర్తుపెట్టుకుని స్వయంగా ఫోన్ చేసి పిలుపించుకుని కలవడం విశేషం.
