వరల్డ్ బిగ్గెస్ట్ రియాల్టీ షో గా గుర్తింపు తెచ్చుకున్న బిగ్ బాస్ షో గత కొన్ని నెలలుగా మొట్టమొదటి డిస్నీ ప్లస్ హాట్ స్టార్ లో నాన్ స్టాప్ బిగ్ బాస్ షో ప్రసారం అవుతున్న విషయం తెలిసిందే. ఇక ఈ నేపథ్యంలో ఈ షోపై మొదట్లో ఎన్నో విమర్శలు వచ్చినా.. ఇందులో 18 మంది కంటెస్టెంట్ ల మధ్య హోరాహోరీగా పోటీ ఉండటంతో ప్రేక్షకులు సైతం చూడటానికి ఆసక్తి చూపించారు. ఆడ పులి లా బిందుమాధవి అందరితో పోరాడి. చివరికి టైటిల్ విజేతగా నిలిచింది. బిగ్ బాస్ హిస్టరీ లో మొట్టమొదటి సారి ఒక లేడీ టైటిల్ ను గెలుచుకోవడం గమనార్హం. ఇక తను చెప్పినట్లుగానే చివరికి బిగ్ బాస్ ఓటీటీ నాన్ స్టాప్ విన్నర్ గా నిలిచి టైటిల్ ను సొంతం చేసుకుంది.
బిందు మాధవి బిగ్ బాస్ హౌస్ లోకి అడుగు పెట్టినప్పుడు హోస్ట్ గా వ్యవహరిస్తున్న నాగార్జున ఎందుకు బిగ్ బాస్ లోకి వచ్చావు అని అడగగా.. తెలుగు సినిమాలలో సెకండ్ ఇన్నింగ్స్ స్టార్ట్ చేయాలని.. అవకాశాల కోసమే ఇలా బిగ్ బాస్ లోకి వచ్చానని తెలిపింది. ఇక చెప్పినట్టుగానే ఆమె టైటిల్ విన్నర్ గా కప్ సొంతం చేసుకొన్న బిందు.. బాలయ్య సినిమాలో అవకాశాన్ని పొందింది ఈ ముద్దుగుమ్మ. ఇక బిందుమాధవి కోసం ప్రత్యేకంగా ఒక క్యారెక్టర్ ను డిజైన్ చేస్తానని.. అన్ని కుదిరితే బాలయ్య సినిమాలో నటించే అవకాశం కల్పిస్తానని బిందు మాధవికి హామీ ఇచ్చాడు ప్రముఖ డైరెక్టర్ అనిల్ రావిపూడి.
