Devara part 1 OTT release date out: కొరటాల శివ, ఎన్టీఆర్ కాంబినేషన్లో వచ్చిన ‘దేవర’ సినిమా థియేటర్లలో ప్రేక్షకులను విపరీతంగా ఆకట్టుకుంది. మొదట ఈ సినిమా విడుదలైన మొదటి రోజు మిక్స్డ్ టాక్ తెచ్చుకున్నప్పటికీ అనంతరం కలెక్షన్ల సునామీ సృష్టించింది. దేవర సినిమా విడుదలైనప్పటి నుంచి ప్రేక్షకులు ఓటీటీలోకి ఎప్పుడెప్పుడు వస్తుందా అని ఎదురు చూస్తున్నారు.
ఈ నేపథ్యంలోనే దేవర సినిమా నెట్ ఫ్లిక్స్ లో అర్ధరాత్రి నుంచి స్ట్రీమింగ్ అవుతోంది. తెలుగుతోపాటు కన్నడ, తమిళ, మలయాళ భాషల్లో ఈ సినిమా అందుబాటులో ఉంది. త్వరలోనే హిందీలోను స్టీమింగ్ చేయనున్నట్లు నెట్ ఫ్లిక్స్ సంస్థ తెలియజేసింది. ఇక ఈ సినిమాలో బాలీవుడ్ బ్యూటీ, అందాల తార జాన్వి కపూర్ హీరోయిన్ గా నటించి మంచి గుర్తింపు తెచ్చుకుంది. ఇప్పటికే దేవర సినిమా రూ. 500 కోట్లకు పైగా కలెక్షన్లను రాబట్టిన సంగతి తెలిసిందే.
