జనసేన అధినేత, పవర్ స్టార్ పవన్ కల్యాణ్ ఇటీవలే ఇన్స్టాగ్రామ్లో ఎంట్రీ ఇచ్చిన విషయం తెలిసిందే. పవన్ ఎంట్రీ ఇచ్చిన క్షణాల్లోనే లక్షల మంది ఫాలోవర్స్ను సొంతం చేసుకున్నారు. ఒక్క పోస్టు కూడా లేని పవన్ అకౌంట్ గంటల వ్యవధిలోనే రికార్డు నంబర్ ఫాలోవర్స్తో సెన్సేషన్ క్రియేట్ చేసింది. అయితే తాజాగా పవర్ స్టార్ తొలి ఇన్స్టా పోస్టు చేశారు. అదేంటో ఓసారి మీరూ చూసేయండి.
‘ఎలుగెత్తు, ఎదురించు, ఎన్నుకో .. జై హింద్!” అనే స్లోగన్‌తో ఇన్‌స్టాలోకి పవన్ కల్యాణ్ అడుగు పెట్టిన పవర్ స్టార్.. తన సినీ కెరీర్‌కు సంబంధించిన ఓ ప్రత్యేక వీడియోను షేర్‌ చేశారు. ‘‘చలనచిత్ర పరిశ్రమలో భాగమై ఎంతోమంది ప్రతిభావంతులతో, నిరాడంబరమైన వ్యక్తులతో కలిసి ప్రయాణిస్తున్నందుకు కృతజ్ఞతతో ఉన్నాను’’ అని ఆ వీడియో ప్రారంభమైంది. దీనికి ‘‘మన బంధం ఇలాగే కొనసాగాలని, ఎన్నో మధురమైన జ్ఞాపకాలను పంచుకోవాలని ఆశిస్తూ..’’అని క్యాప్షన్‌ను జోడించారు. ఇక ఈ వీడియోను అభిమానులు, సెలబ్రిటీలు షేర్‌ చేస్తున్నారు.
