తనపై నమోదైన గృహ హింస కేసు కొట్టేయాలని నటి హన్సిక బాంబే హైకోర్టును ఆశ్రయించింది. క్వాష్ పిటిషన్ దాఖలు చేశారు. తన సోదరుడి భార్య ఫిర్యాదుతో హన్సికతో సహా ఆమె తల్లి పై గతంలో కేసు నమోదైన విషయం తెలిసిందే. అయితే జస్టిస్ సారంగ్ కొత్వాల్, జస్టిస్ ఎస్.ఎం. మోడక్ లతో కూడిన ధర్మాసనం హన్సిక సోదరుడి భార్యకు నోటీసులు జారీ చేసింది. తరుపరి విచారణ ను జులై 3కి వాయిదా వేసింది కోర్టు.
హన్సిక సోదరుడు ప్రశాంత్ మోత్వానీ.. టీవీ నటి ముస్కాన్ జేమ్స్ ను 2020లో పెల్లి చేసుకున్నారు. కొన్ని కారణాల వల్ల 2022లో విడిపోవాలని నిర్ణయించుకున్నారు. అదే సమయంలో హన్సిక సహా సోదరుడు ప్రశాంత్, తల్లి జ్యోతిలపై ముస్కాన్ గృహ హింస చట్టం కింద ఫిర్యాదు చేయడంతో కేసు నమోదైంది. ఈ క్రమంలో 2025 ఫిబ్రవరిలో హన్సిక, జ్యోతిలకు ముంబయి సెషన్ కోర్టు ముందస్తు బెయిల్ మంజూరు చేసింది. తమపై నమోదైన కేసును కొట్టివేయాలని కోరుతూ హన్సిక, ఆమె తల్లి బాంబే హైకోర్టును ఆశ్రయించారు.
