బాలీవుడ్ బాద్ షా షారుక్ ఖాన్ అభిమానులు ఎంతో కాలంగా ఎదురుచూస్తున్న సమయం రానే వచ్చింది. షారుక్ లేటెస్ట్ మూవీ జవాన్ నుంచి అదిరిపోయే అప్డేట్ వచ్చింది. ఈ సినిమాకు సంబంధించి ప్రివ్యూ పేరుతో 2.12 నిమిషాల నిడివి గల వీడియోను చిత్రబృందం రిలీజ్ చేసింది. ఈ వీడియో రిలీజ్ అయిన క్షణాల్లోనే వైరల్గా మారింది.
ఈ వీడియోలో షారుక్ పోలీస్ అధికారిగా స్టైలిష్గా కనిపిస్తూనే.. జవాన్గానూ అదరగొట్టాడు. ముఖానికి ముసుగు వేసుకుని పవర్ఫుల్ మాస్ అవతార్లోనూ సందడి చేశాడు. మరోవైపు హీరోయిన్గా నయనతార స్టైలిష్గా కనిపించింది. ఈ చిత్రంలో దీపికా పదుకొణె ఫైటింగ్ సీక్వెన్స్ షాట్ అదిరిపోయింది. యాక్షన్ విజువల్స్ అదిరిపోయాయి. ఈ వీడియోలో ఇది ఆరంభం మాత్రమే అన్న షారుక్ డైలాగ్ గూస్బంప్స్ తెప్పించింది. ‘నేను విలన్ అయితే ఏ హీరో నా ముందు నిలబడలేదు’ అంటూ డైలాగ్ హైలైట్గా నిలిచింది. ఈ వీడియో చివర్లో షారుక్ గుండు గెటప్లో కనిపించి షాక్ ఇచ్చాడు. ఇంకా ఈ వీడియోలో సర్ప్రైజ్ ఎలిమెంట్స్ ఏమున్నాయో ఓసారి మీరూ చూసేయండి.
