సూపర్ స్టార్ మహేశ్ బాబు, దర్శకధీరుడు ఎస్ఎస్ రాజమౌళి దర్శకత్వంలో SSMB 29 అనే వర్కింగ్ టైటిల్ తో సినిమా వస్తున్న విషయం తెలిసిందే. ప్రస్తుతం ప్రీ ప్రొడక్షన్‌ పనులు జరుగుతుండగా.. ఇందులో భాగంగానే చిత్ర బృందం కొన్నిరోజుల క్రితం దుబాయ్‌కు వెళ్లింది. అయితే అక్కడ పనులు ముగించుకుని తాజాగా టీమ్ హైదరాబాద్‌కు చేరుకుంది. ఎయిర్ పోర్టు నుంచి వస్తున్న ఈ టీమ్ వీడియో ఇప్పుడు సోషల్ మీడియాలో బాగా వైరల్ అవుతోంది. ఈ వీడియోలో మహేశ్‌బాబు-రాజమౌళిని ఒకే ఫ్రేమ్‌లో చూసిన అభిమానులు ఫుల్ ఖుష్ అయ్యారు.
ముఖ్యంగా లాంగ్ హెయిర్, గడ్డంతో మహేశ్ బాబు లుక్ అదిరిపోయింది. ఈ సినిమాలో మహేశ్ బాబు ఇదే లుక్ లో కనిపించబోతున్నారని నెటిజన్లు అంటున్నారు. లుక్ టెస్ట్‌లో భాగంగానే ఈ చిత్ర బృందం దుబాయ్‌కు వెళ్లినట్లు సమాచారం. అమెజాన్‌ అడవుల నేపథ్యంలో సాగే ఈ కథలో పలువురు విదేశీ నటులు కనిపించనున్నారు. దుర్గా ఆర్ట్స్‌పై కె.ఎల్‌.నారాయణ ఈ చిత్రాన్ని నిర్మిస్తున్నారు. దీనికి ‘మహారాజ్‌’ (Maharaj) అనే టైటిల్‌ను అనుకుంటున్నట్లు టాక్‌.
Superstar @urstrulyMahesh back home ♥️ #MaheshBabu was papped along with @ssrajamouli and KL Narayana at the airport ✈️
#SSMB29 pic.twitter.com/cvT1UN5Rzo
— Viswa CM (@ViswaCM1) April 19, 2024
