విజయ్ దేవరకొండ మరియు సమంతలు జంటగా నటిస్తున్న చిత్రం ఖుషి.. ఈ సినిమా త్వరలోనే విడుదల కానుంది. డైరెక్టర్ శివ నిర్వాణ మంచి ఫీల్ గుడ్ లవ్ స్టోరీ ని అందించడానికి కృషి చేస్తున్నాడు. ఇప్పటికే ఈ సినిమా నుండి విడుదల అయిన సాంగ్స్ మరియు పోస్టర్ లు అభిమానులను ఎంతగానో ఆకట్టుకున్నాయి. ఈ సినిమాపై సినీ వర్గాల్లో భారీ అంచనాలు నెలకొన్నాయి.
ఈ తరుణంలో మయోసైటిస్ ఇండియా ఆర్గనైజేషన్ కు హీరోయిన్ సమంత బ్రాండ్ అంబాసిడర్ గా వ్యవహరించనున్నట్లు ఆ సంస్థ వెల్లడించింది. మయోసైటీస్ తో బాధపడుతున్న వారికి ధైర్యం అందించేందుకు, ఈ వ్యాధిపై అవగాహన కల్పించేందుకుగాను సమంత…తమతో కలిసి పనిచేస్తారని ఆర్గనైజేషన్ పేర్కొంది. కాగా, సమంత గత కొంతకాలంగా ఈ వ్యాధితో బాధపడుతున్న సంగతి తెలిసిందే.
