వేదం, కంచె వంటి చిత్రాల దర్శకుడు క్రిష్ దర్శకత్వంలో అనుష్క ప్రధాన పాత్రలో నటిస్తున్న ఘాటి మూవీ నుంచి గ్లింప్స్ విడుదల అయింది. ఇందులో అనుష్క డిఫరెంట్ లుక్ లో వైల్డ్ గా కనిపిస్తున్నారు. కొడవలితో ఆమె తలలు కోస్తున్న సీన్ భయపెడుతోంది. నాలుగేళ్ల నుంచి షూటింగ్ జరుగుతున్న ఈ సినిమా ఇటీవలే షూటింగ్ పూర్తి చేసుకుంది. ఇవాళ అనుష్క పుట్టిన రోజు సందర్భంగా ఉదయం- ఫస్ట్ లుక్ విడుదల చేసిన విషయం తెలిసిందే. తాజాగా మూవీ నుంచి గ్లింప్స్ రిలీజ్ చేశారు మేకర్స్.
ఈ వీడియో చూస్తుంటే.. అనుష్క ఓ ట్రైబర్ అమ్మాయి పాత్రలో కనిపించబోతున్నట్టు తెలుస్తోంది. కొండ లోయల్లో నివసించే వారి జీవితాల ఆధారంగా ఈ చిత్రం రానుంది. అనుష్క ఒక బాధితురాలు నుంచి క్రిమినల్ గా.. ఆ తరువాత లెజెంట్ గా ఎలా మారిందో తెలియాలంటే ఘాటీ మూవీ చూడాల్సిందే అంటూ మేకర్స్ వెల్లడించారు. యూవీ క్రియేషన్స్ నిర్మిస్తున్న ఈ మూవీ తెలుగు, తమిళ, కన్నడ, హిందీ, మలయాళం వంటి భాషల్లో రిలీజ్ కానుంది. ఈ చిత్రానికి నాగవెల్లి విద్యాసాగర్ సంగీతం అందిస్తున్నారు.
