ఒకప్పుడు స్టార్ హీరోగా ఇండస్ట్రీని ఏలాడు సాయికుమార్. ముఖ్యంగా పోలీస్టోరీ సినిమాతో తెలుగు ప్రేక్షకుల మనస్సు దోచుకున్నాడు. మళ్లీ ఇప్పుడు ఆయన కుమారుడు ఆదిత్య ప్రేమకావాలి మూవీతో సినీ ఇండస్ట్రీలోకి అడుగుపెట్టాడు. తొలి సినిమాతోనే మంచి గుర్తింపు సంపాదించుకున్న ఆది.. ప్రస్తుతం వరుస సినిమాలు చేస్తూ సందడి చేస్తున్నాడు. జంగల్ మూవీతో తమిళ ఇండస్ట్రీకి కూడా ఎంట్రీ ఇచ్చేందుకు సిద్ధమయ్యాడు. తాజాగా మరో సినిమా ప్రకటించాడు ఆది.
సబ్ ఇన్ స్పెక్టర్ యుగంధర్ అనే టైటిల్ తో తెరకెక్కనున్న ఈ మూవీలో ఆది హీరోగా, మెగలేఖా హీరోయిన్ గా నటిస్తోంది. ఈ సినిమాకి సంబంధించిన పూజా కార్యక్రమాలు ప్రారంభం అయ్యాయి. హీరో సందీప్ కిషన్ ముహూర్తపు సన్నివేశానికి క్లాప్ ఇచ్చాడు. ప్రస్తుతం ఇందుకు సంబంధించిన ఫొటోలు సోషల్ మీడియాలో వైరల్ అవుతున్నాయి. ఈ సినిమాకు శ్రీపినాక మోషన్ పిక్చర్ పై ప్రదీప్ జూలూరు నిర్మిస్తుండగా.. యశ్వంత్ తాపీ దర్శకత్వం వహిస్తున్నాడు.
