మన భారతీయులకు దేవుడి పై అపారమైన భక్తి ఉంటుంది.దేశం మొత్తంమీద ఎన్నో ప్రముఖ దేవాలయాలు ఆవిర్భవించాయి.అయితే కొన్ని దేవాలయాలు చాలా ప్రాముఖ్యతను కలిగి ఉంటాయి. ఆ ప్రత్యేకతలు చూడటానికి జనం ఆసక్తి చూపిస్తున్నారు. అటువంటి మహిమలు ఉన్న దేవాలయం ఉత్తరాఖండ్‌లో ఒకటి ఉంది. ఆ దేవాలయం చూసినంత ఉంటుంది. దాదాపు ఏడువేల అడుగుల ఎత్తు కలిగి ఉంటుంది.వామ్మో అంత ఎత్తులో ఉందా.. భక్తులు ఎలా వెళతారు..అక్కడ ఏ దేవుడు కొలువై ఉన్నాడు అనే విషయాలను ఇప్పుడు మనం తెలుసుకుందాం..
ఉత్తరాఖండ్‌లోని ఖర్సాలీ గ్రామంలోని చార్‌ధామ్‌లలో ఒకటైన యమునోత్రికి 5 కిలోమీటర్ల దూరంలో ఉంది. ఆ గ్రామంలో ప్రసిద్ధి చెందిన శని దేవుడు,అతని సోదరి యమునల ఆలయం కొలువై ఉంది.ఈ దేవాలయం వేసవిలోని వైశాఖి సందర్భంగా భక్తుల కోసం తెరుస్తారు.వేసవిలో ఇక్కడ సందర్సకుల రద్దీ ఎక్కువగా ఉంటుంది.చాలా ప్రశాంతంగా, చల్లగా ఉంటుంది. ఖర్సాలీలో శీతాకాలంలో మంచు కురుస్తుంది. ఈ కారణంగా ఈ శని దేవాలయం తలుపులు మూసి వేసవిలో మార్చి, ఏప్రిల్ మాసాలలో గుడి తలుపులు తెరుస్తారు.
ఉత్తరాఖండ్‌లోని ఉత్తరకాశీ జిల్లా ఖర్సాలీ గ్రామంలో సముద్ర మట్టానికి సుమారు 7 వేల అడుగుల ఎత్తులో ఉంది.ఈ ఆలయం చాలా చరిత్ర కలిగిన ప్రాచీన ఆలయం కావడం విశేషం.శని దేవుడు తన సోదరి యమునను కలవడానికి ప్రతి సంవత్సరం అక్షయ తృతీయ నాడు యమునోత్రిని సందర్శిస్తాడు. యమునోత్రి నుంచి శని దేవాలయం 5 కిలో మీటర్లు ఉంటుంది.యమునోత్రికి వచ్చే చాలా మంది భక్తులు శనిదేవాలయాన్ని సందర్శిస్తారు. ఇక్కడి చరిత్ర మహాభారత కాలం నాటిదని నమ్ముతారు.పాండవులు తమ ప్రయాణంలో ఈ ఆలయాన్ని నిర్మించినట్లు పురాణాలు చెబుతున్నాయి.రాతి, చెక్కతో ఆలయాన్ని నిర్మించారు.శని దేవుడి విగ్రహం కాంస్య తో తయారు చేయబడి ఉంటుంది.ఆలయంలో నిత్యం దీపం వెలుగుతూనే ఉంటుంది.ఆ దీపం కాంతి వల్లే విగ్రహం కనిపిస్తుంది.కోరిన కోరికలు తీరతాయని అక్కడి ప్రజల నమ్మకం.
