జీవితం మీద ఒక్కొక్కరికీ ఒక్కో అభిప్రాయాలు ఉంటాయి. కొందరేమో దాన్నో భారంగా గడుపుతుంటారు. మరికొందరు ఉత్సాహంగా ఉంటారు. అనుకున్నది సాధించకపోవడమో, కావాలనుకున్నది దొరక్కపోవడమో భారంగా గడపడానికి కారణాలుగా ఉంటున్నాయి. ఏది ఎలా ఉన్నా మనలో కొన్ని విషయాలని మార్చుకుంటే జీవితం అందంగా మారుతుంది. మారడం అనేది చాలా మందికి కష్టం. కాబట్టి మనం కొన్ని విషయాలని నేర్చుకుంటే జీవితంలో ముందుకు వెళ్ళవచ్చు. అలా నేర్చుకోవాల్సిన విషయాలేంటో చూద్దాం.
జీవితంలో ఎంత బిజీగా ఉన్నా చదవడం మాత్రం మర్చిపోవద్దు. గొప్పవాళ్ళెప్పుడూ చదువుతూనే ఉంటారన్న విషయం మర్చిపోవద్దు.
వేసుకునే బట్టలు చూసి వారి వ్యక్తిత్వాన్ని నిర్ణయించవద్దు. ఫేస్ బుక్ వ్యవస్థాపకుడు ఎంత సింపుల్ గా ఉంటారో తెలుసుకోండి.
ఇతరుల కోసం మీ గమ్యాలని వదిలిపెట్టకండి. మీరెన్ని త్యాగాలు చేసినా గుర్తించేవాళ్ళు చాలా తక్కువ మంది ఉన్నారు. ముందు ఆ విషయం తెలుసుకోండి.
చిన్న చిన్న వ్యాపారాలు చేసుకునే వారి దగ్గర బేరమాడడం మానుకోండి. ఈ విషయాల్లో మనమెప్పుడూ రివర్స్ లో ఉంటాం.
డబ్బు కోసం పనిచేయవద్దు. డబ్బు మీకెలా పనిచేస్తుందో నేర్చుకోండి. ఇలా చేయడం ద్వారానే మీరు ధనవంతులు కాగలరు.
నెగెటివ్ గా ఆలోచించే వారితో స్నేహం చేయకండి. వారు మిమ్మల్ని ముందుకు వెళ్ళకుండా ఆపుతుంటారు. ప్రతీ దాన్ని నెగెటివ్ గా చూస్తూ అక్కడికే వెళ్ళడానికే భయపడే వారితో స్నేహం మానేయండి.
మందు, పొగ, మాదక ద్రవ్యాలు వంటి వాటికి దూరంగా ఉండండి.
కొత్త వాళ్ళని అంత త్వరగా నమ్మకండి. ఎవరిలో ఎప్పుడు ఎలాంటి ఆలోచన పుడుతుండో ఎవ్వరం చెప్పలేం.
కొత్త విషయాలు నేర్చుకోవడానికి ఎల్లప్పుడూ ముందు ఉండండి. అవే జీవితాన్ని మరింత ముందుకు తీసుకెళతాయి.
