చ‌రిత్ర సృష్టించిన రోహిత్ శ‌ర్మ‌.. ప్ర‌పంచ క్రికెట్‌లో ఒకే ఒక్క‌డు..

మెన్స్ క్రికెట్‌లో అంత‌ర్జాతీయ టీ20ల్లో 100 విజ‌యాలు అందుకున్న మొద‌టి ఆట‌గాడిగా హిట్‌మ్యాన్ రోహిత్ శ‌ర్మ చ‌రిత్ర సృష్టించాడు. మొహాలీ వేదిక‌గా జ‌రిగిన మొద‌టి టీ20 మ్యాచులో ఇండియా 6 వికెట్ల తేడాతో అఫ్గానిస్తాన్ పై విజ‌యం సాధించ‌డంతో రోహిత్ శర్మ ఈ ఘ‌న‌త‌ను అందుకున్నాడు. కాగా.. t 20క్రికెట్‌లో అత్య‌ధిక విజ‌యాలు అందుకున్న కెప్టెన్సీ రికార్డు ఇప్ప‌టికే హిట్ మ్యాన్ పేరు మీదే ఉన్న సంగ‌తి తెలిసిందే.

ఇంగ్లాండ్‌తో జ‌రిగిన 2022 టీ20 వరల్డ్ క‌ప్ సెమీఫైన‌ల్ మ్యాచ్‌లో ఇండియా ఓడిపోయిన‌ప్ప‌టి నుంచి రోహిత్ శర్మ ఈ ఫార్మాట్‌కు దూరంగా ఉన్నాడు.దాదాపు 14 నెల‌ల త‌రువాత టీ20 టీం లోకి వ‌చ్చిన రోహిత్ శర్మ కేవ‌లం 149 మ్యాచుల్లో వంద విజ‌యాల‌ను అందుకోవ‌డం విశేషం. అయితే ఈ మ్యాచ్‌లో రోహిత్ డ‌కౌట్ అయ్యాడు.మెన్స్ క్రికెట్‌లో రోహిత్ శ‌ర్మ 100 విజ‌యాల‌తో మొదటి స్థానంలో ఉండ‌గా.. పాకిస్తాన్ సీనియ‌ర్ ప్లేయర్ షోయ‌బ్ మాలిక్ 86 విజ‌యాల‌తో రెండో స్థానంలో, కింగ్ విరాట్ కోహ్లీ మూడో స్థానంలో ఉన్నాడు.