తెలంగాణ ఇంటర్ విద్యార్థులకు మహాత్మ జ్యోతిబాపూలే బీసీ గురుకుల సొసైటీ గుడ్ న్యూస్ చెప్పింది. ఈ క్రమంలో మహాత్మ జ్యోతిబాపూలే బీసీ గురుకులాల్లో ఇంటర్, డిగ్రీ సీట్లను ఎంట్రన్స్ ఎగ్జామ్ లేకుండానే భర్తీ చేయాలని సొసైటీ నిర్ణయించింది. అయితే ప్రతీ ఏడాది మహాత్మ జ్యోతిబాపూలే బీసీ గురుకులాల్లో ప్రవేశ పరీక్ష నిర్వహిస్తున్నారు. కానీ ఇక నుంచి ఆ విధానాన్ని రద్దు చేసింది.
ఈ నేపథ్యంలో ఈ అకాడమిక్ సంవత్సరం నుంచి ప్రత్యేక పరీక్ష లేకుండా అడ్మిషన్లు స్వీకరించనున్నారు. ఇందులో అడ్మిషన్ల కోసం పదోతరగతిలో వచ్చిన మార్కులు, మెరిట్ ఆధారంగా ఇంటర్ లో ప్రవేశం కల్పిస్తారు. ఇంటర్ మార్కులు, మెరిట్ ఆధారంగా డిగ్రీలో అడ్మిషన్లు కల్పిస్తారు. త్వరలో డిగ్రీ అడ్మిషన్లకు సంబంధించిన అధికారులు ఏర్పాట్లు చేస్తున్నారు. బీసీ గురుకులాల సొసైటీ పరిధిలోని 261 ఇంటర్, 33 డిగ్రీ కాలేజీలలో కలిపి మొత్తం 25వేల సీట్లు ఉన్నాయి.
