అల్లు అర్జున్ లో కనీసం ప్రశ్చాత్తాపం కనిపించడం లేదు : ఆది శ్రీనివాస్

అల్లు అర్జున్ వ్యవహార శైలి దారుణంగా ఉంది. అల్లు అర్జున్ లో కనీసం ప్రశ్చాత్తాపం కనిపించడం లేదు అని ప్రభుత్వ విప్ ఆది శ్రీనివాస్ అన్నారు. రేవతి కుటుంబం పైన అల్లు అర్జున్ కనీస సానుభూతి చూపించలేదు. సీఎం రేవంత్ రెడ్డి అసెంబ్లీలో మాట్లాడిన మాటలను తప్పు పట్టేలా అల్లు అర్జున్ తీరు ఉంది. అక్బరుద్దీన్ ఓవైసీ అసెంబ్లీలో చేసిన ప్రస్తావన పైనే సీఎం రేవంత్ రెడ్డి స్పందించారు. తొక్కిసలాటలో ఇద్దరు చనిపోయారని అల్లు అర్జున్ కి పోలీసులు చెప్పిన తర్వాత థియేటర్ లో షో చేశారు.

అల్లు అర్జున్ .. సమాజంలో నీ గురించి ఏమనుకుంటున్నారో అడిగి చూడు. వ్యక్తిగత ప్రతిష్ట గురించే తప్ప చనిపోయిన రేవతి, ఆస్పత్రిలో చావు బతుకుల మధ్య కొట్టుమిట్టాడుతున్న బాబు గురించి ఆలోచన లేదు. నీ పేరు ప్రతిష్టలు అవతలి వారు ప్రాణాల కంటే ఎక్కువా.. అల్లు అర్జున్ ఇంకా దబాయించి మాట్లాడుతున్నాడు. మా సీఎం అసెంబ్లీలో పోలీసులు ఇచ్చిన అధికారిక సమాచారాన్ని  ఇచ్చారు. అల్లు అరవింద్ మాట్లాతున్న తీరు సిగ్గుతో తలదించుకునేలా ఉంది. తన కొడుకు మూడీగా ఉంటున్నాడని అల్లు అరవింద్ అంటున్నాడు. కానీ అవతల ఒక ప్రాణం ఐసీయూలో ఉలుకు పలుకు లేకుండా పడి ఉంది అని ఆది శ్రీనివాస్ గుర్తు చేసారు/