Natural Star Nani: నేచురల్ స్టార్ నాని..అసిస్టెంట్ డైరెక్టర్గా ఇండ‌స్ట్రీలో అడుగుపెట్టి.. అష్టాచెమ్మా చిత్రంతో హీరోగా మారాడు. హిట్లు ఫ్లాపుల‌తో సంబంధం లేకుండా .. వ‌రుసగా సినిమాల్లో న‌టిస్తున్నారు. త‌న న‌ట‌న‌తో ప్ర‌త్యేక ఇమేజ్ తెచ్చుకున్నాడు. ప్రేక్షకులను ఆకట్టుకుంటూ న్యాచురల్ స్టార్గా గుర్తింపు తెచ్చుకున్నారు.
ఇటీవలే టక్ జగదీష్ సినిమాతో ప్రేక్ష‌కుల ముందుకు వ‌చ్చిన నాని .. ప్రస్తుతం శ్యామ్ సింగరాయ్ చిత్రంలో న‌టిస్తున్నారు. త్వ‌ర‌లో ఈ చిత్రం విడుద‌ల కానున్న‌ది. ఇలా స‌క్సెస్ పుల్ హీరోగా కొన‌సాగిస్తునే .. అప్ప‌డప్ప‌డూ త‌న సొంత బ్యాన‌ర్లో సినిమాలు నిర్మాణం చేస్తున్నారు. అయితే.. త‌న కెరీర్‌లో ఇప్పుడు మరోసారి సరికొత్త ప్రయోగం చేయ‌బోతున్నట్టు తెలుస్తుంది.
న‌ట‌న‌కు ప్రాధాన్య‌త ఉన్న ఏ పాత్రనైనా చేసే నాని… ఈసారి విలన్ పాత్ర చేసేందుకు ఆసక్తి చూపిస్తున్నాడట. ఈ నేప‌ధ్యంలోనే తమిళ్ స్టార్ హీరో విజయ్ తలపతి .. వంశీ పైడిపల్లి కాంబినేష‌న్‌లో తెర‌కెక్క‌నున్న చిత్రంలో న‌టించ‌నున్నారట. ఈ చిత్రాన్ని దిల్ రాజ్ నిర్మించనున్నాడు. విజయ్ తొలిసారి నేరుగా తెలుగు చేయ‌డం ఇదే తొలిసారి. ఇటీవలే ఈ మూవీ గురించి అధికారికంగా ప్రకటించిన సంగతి తెలిసిందే.
ఇదిలాఉంటే ఈ సినిమాలో నెగిటివ్ షేడ్స్ ఉన్న విలన్ పాత్రలో నాని న‌టించ‌నున్న‌ట్లు స‌మాచారం. గ‌తంలో వీ సినిమాలో విలన్ క్యార్టెర్ చేసి మెప్పించాడు నాని. విమ‌ర్శకుల ప్ర‌సంశ‌లు పొందాడు. ఈ చిత్రంలో విలన్ క్యారెక్ట‌ర్ చేసి ప్రేక్ష‌కుల అల‌రించ‌నున్నారు. ఇదిలా ఉంటే ఈ చిత్రంలో విజయ్ జంట‌గా కియారా అద్వానీ లేదా రష్మిక మందన్నా న‌టించ‌న్నారట. ఇక ఈ మూవీ రెగ్యూలర్ షూట్‌ అక్టోబర్ 27 నుంచ ప్రారంభం కానున్న‌ట్లు చిత్ర‌సీమ‌లో టాక్ న‌డుస్తుంది.
