విషం కలిపారన్న అనుమానంతో పోలీసులు ఇచ్చిన టీని నిరాకరించారు సమాజ్వాదీ పార్టీ అధినేత అఖిలేశ్ యాదవ్. ఆదివారం ఉదయం ఆయన ఉత్తర్ప్రదేశ్లోని పోలీస్ హెడ్క్వార్టర్స్కు వెళ్లారు. అక్కడ సిబ్బంది ఆయనకు ఛాయ్ అందించగా.. దానిలో విషం ఉండొచ్చని తిరస్కరించారు. అనంతరం తన మనిషి బయట నుంచి తెచ్చిన టీ తాగుతానని చెప్పారు.
సోషల్మీడియాలో అసభ్యకరమైన, అవమానకరమైన పోస్టులు చేశారనే ఆరోపణలతో.. సమాజ్వాదీ పార్టీ ఆఫీస్ బేరర్ మనీశ్ జగన్ అగర్వాల్‌ను ఆదివారం ఉదయం పోలీసులు అరెస్టు చేశారు. అగర్వాల్ అరెస్ట్పై ఆగ్రహం వ్యక్తం చేసిన అఖిలేశ్ యాదవ్.. తన కార్యకర్తలతో పోలీసు ప్రధాన కార్యాలయానికి చేరుకున్నారు.
అక్కడ సిబ్బంది అఖిలేశ్కు టీ అందించగా.. “ఇక్కడి టీ నేను తాగను.. బయటి నుంచి తెచ్చిన టీ తాగుతాను.. విషం కలిపితే ఎలా?” అని దాన్ని తిరస్కరించారు. అనంతరం తన వెంట వచ్చిన ఒకరిని బయట ఏమైనా టీ దుకాణం ఉంటే అక్కడ నుంచి తీసుకురమ్మని పంపించారు.
