కాకినాడలో విషాదం చోటు చేసుకుంది. కారులో ఊపిరి ఆడక చిన్నారి మృతి చెందింది. కాకినాడ జిల్లా కాజులూరు మండలం కోలంక గ్రామంలో ఈ విషాదం చోటు చేసుకుంది. కారు డోర్ లాక్ పడడంతో ఊపిరాడక అఖిలాండేశ్వరి(8) అనే చిన్నారి మృతి చెందింది.
కిరాణా షాప్ కి వెళ్తూ రోడ్డుపై ఉన్న కారు ఎక్కింది చిన్నారి. అయితే, ఆ కారు డోర్ లాక్ పడిపోవడంతో ఊపిరాడక మృతి చెందింది ఆ చిన్నారి. అఖిలాండేశ్వరి కనిపించకపోవడంతో ఊరంతా వెతికారు కుటుంబ సభ్యులు. అయితే, కారులో విగతజీవిగా పడి ఉంది చిన్నారి. ఇక అనంతరం యానాం ప్రభుత్వాసుపత్రికి మృతదేహం తరలించారు పోలీసులు. దీనిపై కేసు నమోదు చేసుకుని, విచారణ చేస్తున్నారు.
