నేడు రామ్మూర్తి నాయుడు అంత్యక్రియలు జరుగనున్నాయి. ఏపీలోని నారావారిపల్లెలో నేడు నారా రామ్మూర్తి నాయుడి అంత్యక్రియలు జరుగనున్నాయి. మరో గంటలో నారావారిపల్లి రామ్మూర్తినాయుడు పార్దివ దేహం..చేరుకోనుంది. 10 గంటలకు నారావారిపల్లి చేరుకోనున్నారు సీఎం చంద్రబాబు సహా ఇతర కుటుంబ సభ్యులు. ఇక ఇవాళ మధ్యాహ్నం రెండు గంటలకు నారా రామ్మూర్తి నాయుడి అంత్యక్రియలు జరుగనున్నాయి.
తల్లిదండ్రులు అమ్మనమ్మ, ఖర్జూర నాయుడు సమాధుల పక్కనే రామ్మూర్తి నాయుడు అంత్యక్రియలు నిర్వహించనున్నారు. ఈ మేరకు ఏర్పాట్లు పూర్తి చేశారు కుటుంబ సభ్యులు. పెద్ద ఎత్తున ప్రముఖులు వస్తున్న నేపథ్యంలో భారీ భద్రత ఏర్పాటు చేశారు పోలీసులు. కాగా.. నిన్న హైదరాబాద్‌లోని ఏఐజీ ఆస్పత్రిలో నారా రామ్మూర్తి నాయుడు మరణించిన సంగతి తెలిసిందే.
