చంద్రబాబు చేసిన మోసాలపై “అల్లుడు – సుద్దులు” పుస్తకం రిలీజ్‌ చేశారు. లక్ష్మీపార్వతి రచించిన అల్లుడు సుద్దులు పుస్తకావిష్కరణ ఇవాళ జరిగింది. ఈ కార్యక్రమానికి మంత్రి అంబటి రాంబాబు, ఎంఎల్ఏ వెలంపల్లి శ్రీనివాస్, ఏపీఎస్ఎఫ్ఎల్ చైర్మన్ గౌతం రెడ్డి హాజరయ్యారు. ఈ సందర్భంగా మంత్రి అంబటి రాంబాబు మాట్లాడుతూ.. చంద్రబాబు తోడల్లుడు వెంకటేశ్వరరావు కూడా ఒక పుస్తకం రాసారన్నారు.
చంద్రబాబు అధికార దాహంతో ఆతృతపడుతున్నారని ఫైర్ అయ్యారు. లక్ష్మీపార్వతి భుజం మీంచీ తుపాకీ పెట్టి ఎన్టీఆర్ ను కాల్చేసారు చంద్రబాబు అని మండిపడ్డారు. చంద్రబాబు పూర్తి నిజస్వరూపం లక్ష్మీపార్వతి ఇంకా తెలీదేమో అనుకుంటా.. చంద్రబాబు బావమరిదికి తెలుసు అతని నిజ స్వరూపం అంటూ వ్యాఖ్యానించారు. బంధుత్వాలను, డబ్బును వాడుకుని రాజకీయాల్లోకి వచ్చిన వ్యక్తి చంద్రబాబు అంటూ ఆగ్రహించారు. చంద్రబాబు సీఎం అయ్యాక ఎన్నికల ఖర్చులు పెరిగాయని.. ఎన్టీఆర్ ఒక భోళాశంకరుడన్నారు. ఎవరినైనా నిలబెట్టి గెలిపించగలను అన్న విశ్వాసం పొందగలిగిన వ్యక్తి ఎన్టీఆర్ అని కొనియాడారు.
