దేశవ్యాప్తంగా సార్వత్రిక ఎన్నికలు జరిగిన విషయం తెలిసిందే. ఈసారి ఎన్నికల ఫలితాల్లో బీజేపీకి ఆశించిన మెజార్టీ రాలేదు. కానీ ఎన్డీఏ కూటమితో ప్రభుత్వాన్ని ఏర్పాటు చేయనుంది. ఇక అలాగే ఆంధ్రప్రదేశ్ లో మాత్రం టీడీపీ-జనసేన-బీజేపీ కూటమి భారీ విజయం సాధించాయి. అధికార వైసీపీ కేవలం 11 సీట్లకు పరిమితమైంది. కనీసం ప్రతిపక్ష హోదా కూడా దక్కకపోవడం గమనార్హం.
ఈ నేపథ్యంలో ఏపీ 2024 సార్వత్రిక ఎన్నికల్లో వైసీపీ ఘోర పరాజయం చెందిన విషయం తెలిసిందే. ఈ ఓటమి పై వైసీపీ నేతలు వివిధ రకాలుగా స్పందిస్తున్నారు. ఈ నేపథ్యంలో వైసీపీ సీనియర్ నేత రవీంద్రనాథ్ రెడ్డి ఈవీఎంలపై సంచలన వ్యాఖ్యలు చేశారు. ఈవీఎంలను ట్యాంపరింగ్ చేశారని ఆరోపించారు. సింగపూర్ నుంచి ఈ కుట్ర జరిగిందా? మరో చోట నుంచి చేశారా? అనేది త్వరలోనే తేలుతుందని అన్నారు. అయితే ఆయన వ్యాఖ్యలపై నెటిజన్లు మండిపడుతున్నారు. గతంలో వైసీపీ గెలిచినప్పుడు కూడా ఇలాగే చేశారా అని కౌంటర్ ఇస్తున్నారు.
