ప్రపంచ కుబేరుడు ఎలన్ మస్క్ కు బాబే ఐడియా ఇచ్చాడట అంటూ టీడీపీ అధినేత చంద్రబాబుపై రాజ్యసభ సబ్యులు విజయసాయి రెడ్డి సెటైర్‌ వేశారు. అంగారక గ్రహానికి మనుషులను పంపాలని ప్రపంచ కుబేరుడు ఇలన్ మస్క్ కు ఐడియా ఇచ్చి స్పేస్ X రాకెట్ల కంపెనీ పెట్టించింది బాబేనంటూ ఈ మేరకు ట్వీట్‌ చేశారు విజయసాయి.
ఆ రోజుల్లో దావోస్ లో ఈయనను కలిసేందుకు బిల్ గేట్స్ రోజంతా వెయిట్ చేశాడని ఎల్లోమీడియా రాసింది. అందుకే రాత్రంతా అమెరికా కాల్స్ కోసం వెయిట్ చేస్తుంటాడట పాపం అంటూ ఎద్దేవా చేశారు విజయసాయి. ఎల్లో మీడియా, పచ్చ మాఫియా ఎంతగా బరితెగించాయంటే గాలికి చెట్ల కొమ్మలు విరిగినా అది జగన్ గారి ప్రభుత్వ నిర్లక్ష్యంవల్లే అంటారని మండిపడ్డారు. బాబు గారైతే ‘రాడార్’ లో చూసి కొమ్మలు తొలగించమని ఆదేశించే వాడని చెప్పడమే మిగిలిందన్నారు. పిడుగులపై అప్రమత్తం చేసేవాడని అప్పటి కామెడీలు అందరికీ గుర్తున్నాయని ఎద్దేవా చేశారు విజయసాయిరెడ్డి.
