న్యూఢిల్లీ: ఏపీ సీఎం జగన్ మోహన్ రెడ్డి ఢిల్లీ చేరుకున్నారు. ఇవాళ ఆయన పలువురు కేంద్రమంత్రులతో భేటీ అవుతారు. మధ్యాహ్నం 3.30 గంటలకు కేంద్ర పర్యవరణ అటవీ శాఖ మంత్రి జవదేకర్‌ను జగన్ కలవనున్నారు. 4 గంటలకు కేంద్ర జల శక్తి మంత్రి గజేంద్ర సింగ్ షేకావత్‌తో భేటీ కానున్నారు. రాత్రి 7 గంటలకు కేంద్ర మంత్రి పీయూష్ గోయల్‌ను, రాత్రి 9 గంటలకు కేంద్రమంత్రి అమిత్ షాను జగన్ కలనున్నారు.
కాగా ఢిల్లీ బయల్దేరే ముందు సీఎం జగన్ విజయవాడ తాడేపల్లిలోని తన నివాసం నుంచి రోడ్డు మార్గంలో విజయవాడ అంతర్జాతీయ విమానాశ్రయం వెళ్లారు. అక్కడ నుంచి ప్రత్యేక విమానంలో సీఎం ఢిల్లీకి పయనమయ్యారు. ఈ రాత్రికి ఢిల్లీలోనే బస చేయనున్నారు. పర్యటన అనంతరం ఢిల్లీ నుంచి ఆయన విజయవాడ చేరుకుంటారు.
