బిజెపి పార్టీ ఆఫీసులో నేతలతో బండి సంజయ్ కీలక సమావేశం

ఈ నెల 12న ప్రధాన మంత్రి నరేంద్ర మోదీ తెలంగాణకు రానున్నారు. రామగుండంలో పర్యటించనున్న మోదీ.. ఎరువుల కర్మాగారాన్ని జాతికి అంకితం చేయనున్నారు. అనంతరం బహిరంగ సభలో పాల్గొంటారు. ప్రధాని మోదీ పర్యటనకు సీఎం కేసీఆర్ హాజరవుతారా..? లేదా..? అనేది ఇప్పుడు చర్చనీయాంశంగా మారింది. గతంలో పలుసార్లు తెలంగాణకు మోదీ వచ్చినప్పుడు.. సీఎం స్థాయిలో కేసీఆర్ హాజరు కాలేదు.

అందుకు కారణాలు కూడా కేసీఆర్ వివరించారు. తాజాగా జాతీయ పార్టీ ప్రకటించిన కేసీఆర్..  ఈ నేపథ్యంలో మోదీని కలుస్తారా లేదా అనేది ఆసక్తికరంగా మారింది. ఇదిలా ఉంటే నేడు బిజెపి కార్యాలయంలో రాష్ట్ర అధ్యక్షుడు బండి సంజయ్ ఉమ్మడి కరీంనగర్, అదిలాబాద్, వరంగల్ జిల్లా నేతలతో కీలక సమావేశాన్ని నిర్వహించారు. ప్రధాని మోదీ తెలంగాణ పర్యటన ఏర్పాట్లపై చర్చించనున్నారు. ఈ నేపథ్యంలో భారీ బహిరంగ సభ ఏర్పాటుకు బిజెపి సన్నాహాలు చేస్తోంది