మెగా ఫ్యాన్స్ కు గుడ్ న్యూస్.. ఆగస్టు 11న భోళాశంకర్ రిలీజ్

గాడ్ ఫాదర్, వాల్తేరు వీరయ్య సినిమాలతో బ్లాక్ బస్టర్ హిట్స్ అందుకున్న మెగాస్టార్ చిరంజీవి వరుస సినిమాలు చేస్తున్నారు. సెకండ్ ఇన్నింగ్స్ లోనూ మెగాస్టార్ దూసుకెళ్తున్నారు. ప్రస్తుతం భోళాశంకర్ సినిమా షూటింగులో బిజీగా ఉన్నారు. ఎప్పుడెప్పుడు ఈ చిత్రం రిలీజ్ అవుతుందా అని ప్రేక్షకులు చాలా ఉత్సాహంగా ఎదురుచూస్తున్నారు. తాజాగా మెగా అభిమానులకు ఈ చిత్రబృందం సర్ ప్రైజ్ ఇచ్చింది. ఈ మూవీకి సంబంధించి ఓ క్రేజీ న్యూస్ చెప్పింది. అదేంటంటే..?

భోళాశంకర్ సినిమా రిలీజ్ డేట్ ను చిత్రబృందం ఫైనల్ చేసింది. ప్రపంచ వ్యాప్తంగా ఈ ఏడాది ఆగస్టు 11న థియేటర్లలో విడుదల చేయనున్నట్లు ప్రకటించింది. ఈ సినిమాలో చిరంజీవి సోద‌రిగా మహానటి కీర్తిసురేష్ న‌టిస్తోంది. ఈ మూవీలో చిరుతో త‌మ‌న్నా రొమాన్స్ చేస్తోంది.  అజిత్ హీరోగా త‌మిళంలో విజ‌య‌వంత‌మైన వేదాళం ఆధారంగా భోళాశంక‌ర్ సినిమా రూపొందుతోంది.