దేశవ్యాప్తంగా 13 రాష్ట్రాల్లో 29 అంసెబ్లీ, 3 లోక్ సభ స్థానాలకు జరిగిన ఎన్నికల్లో బీజేపీకి గట్టి ఎదురు దెబ్బ తగిలింది. కేవలం 7 స్థానాలను మాత్రమే గెలిచింది. ఇదే సమయంలో కాంగ్రెస్ పార్టీ 8 స్థానాల్లో గెలిచి సత్తా చాటింది. ముఖ్యంగా హిమాచల్ ప్రదేశ్, బెంగాల్ రాష్ట్రాల్లో చిత్తుగా ఓడిపోయింది. హిమాచల్ ప్రదేశ్లో మూడు అసెంబ్లీ, ఒక లోక్ సభ స్థాానానికి ఎన్నికలు జరగితే బీజేపీ కాంగ్రెస్ చేతిలో చిత్తుగా ఓడిపోయింది. హిమాచల్ ప్రదేశ్ రాష్ట్రంలో ప్రస్తుతం బీజేపే అధికారంలో ఉంది. మరోవైపు గత బెంగాల్ జనరల్ ఎన్నికల్లో సత్తా చాటి ప్రధాన ప్రతిపక్షంగా ఎదిగిన బీజేపీ…తాజాగా జరిగిన బై ఎన్నికల్లో మాత్రం దారుణంగా విఫలమైంది.
ఇదిలా ఉంటే మధ్యప్రదేశ్, అస్సాంలలో బీజేపీ ఏకపక్షంగా విజయాలు సాధించింది. అస్సాం రాష్ట్రంలో 5 అసెంబ్లీ స్థానాలకు జరిగిన ఎన్నికల్లో మిత్రపక్షం యూపీపీఎల్ తో కలిసి అన్నిస్థానాలను కైవసం చేసుకుంది. మధ్య ప్రదేశ్ లో 3 అసెంబ్లీ స్థానాలకు ఎన్నికలు జరిగితే రెండు చోట్ల బీజేపీ, మరో చోట కాంగ్రెస్ పార్టీలు గెలుపొందాయి.