లగచర్ల దాడి ఘటనలో అరెస్టయి జైలులో ఉన్న కొడంగల్ మాజీ ఎమ్మెల్యే పట్నం నరేందర్ రెడ్డిని పరామర్శించేందుకు బీఆర్ఎస్ వర్కింగ్ ప్రెసిడెంట్ కేటీఆర్ చర్లపల్లి జైలుకు చేరుకున్నారు. ములాఖత్‌లో పట్నంను కేటీఆర్ కలిసి పరామర్శించారు. మాజీ మంత్రి కేటీఆర్ వెంట పట్నం నరేందర్ రెడ్డి భార్య, శ్రీనివాస్ గౌడ్, మ‌హ‌మూద్ అలీ, బండారు ల‌క్ష్మారెడ్డి ఉన్నారు.
కేటీఆర్ రాక సందర్భంగా చర్లపల్లి జైలు వద్ధ బీఆర్ఎస్ కార్యకర్తలు పెద్ద ఎత్తున చేరుకుని హడావుడి చేశారు.దీంతో పోలీసులు భారీ బందోబస్తు ఏర్పాటు చేశారు.లగచర్లలో ఫార్మా కంపెనీ భూసేకరణకు, ప్రజాభిప్రాయ సేకరణకు వెళ్లిన వికారాబాద్ కలెక్టర్,అధికారులపై జరిగిన దాడి కేసులో పట్నం నరేందర్ రెడ్డిని ఏ1గా పోలీసులు కేసు ఫైల్ చేశారు. కాగా, నరేందర్ రెడ్డిపై రాజకీయ కక్షతో అక్రమ కేసు బనాయించారని బీఆర్ఎస్ ప్రధానంగా ఆరోపిస్తుంది.
