వైఎస్సార్ తెలంగాణ పార్టీ అధ్యక్షురాలు వైఎస్ షర్మిలకు వైసీపీ అధినేత వైఎస్ జగన్మోహన్ రెడ్డి, కడప ఎంపీ అవినాశ్ రెడ్డిల నుండి ప్రాణహాని ఉందని తెలుగుదేశం పార్టీ నేత బుద్ధా వెంకన్న సంచలన వ్యాఖ్యలు చేశారు. వైఎస్ వివేకానంద రెడ్డి హత్య కేసులో సాక్ష్యం చెప్పిన షర్మిలకు కేంద్ర ప్రభుత్వం వై కేటగిరీ భద్రతను కల్పించాలని విజ్ఞప్తి చేశారు. ఈ కేసులో షర్మిల దర్యాఫ్తు సంస్థల ముందు చెప్పినవన్నీ వాస్తవాలే అన్నారు. వైఎస్ వివేకా హత్య వల్ల ఆ కుటుంబం ఎంతగా నష్టపోయిందో, జగన్ కారణంగా రాష్ట్రం కూడా అంతే నష్టపోయిందన్నారు.
ముఖ్యమంత్రి జగన్ పట్ల షర్మిల భయమే ఆంధ్రప్రదేశ్‌లో కాకుండా తెలంగాణలో తన రాజకీయ పార్టీని స్థాపించాలనే ఆమె నిర్ణయాన్ని ప్రభావితం చేసి ఉండవచ్చని వెంకన్న సూచించారు. ముఖ్యమంత్రి ప్రతికూల ప్రవర్తనగా తాను భావిస్తున్న విషయాన్ని కూడా ఆయన ఎత్తి చూపారు. ఈ ఆందోళనల నేపథ్యంలో షర్మిలకు భద్రత కోసం వై కేటగిరీ హోదా కల్పించాలని వెంకన్న కేంద్ర ప్రభుత్వాన్ని కోరారు. ఈ మేరకు కేంద్ర ప్రభుత్వానికి అధికారికంగా లేఖ రాయనున్నట్టు ఆయన ప్రకటించారు.
